Xhafaj në SHBA, shoqërohet nga Artan Didi, kërkon mbështetje nga DEA për drogën
Kufiri, ministri takon zv. koordinatoren amerikane për antiterrorizmin
Ministri
Fatmir Xhafaj kërkoi mbështetjen e DEA- s për identifikimin e rrugëve të pastrimit të parave jashtë territorit të Shqipërisë dhe sigurimin e provave, si dhe zgjerimin e bashkëpunimit për të zhvilluar hetime rreth transaksioneve financiare të këtyre grupeve kriminale, apo të personave zyrtarë të lidhur me ta. Droga dhe pastrimi i parave kanë qenë dy temat kryesore të diskutuara nga ministri i Brendshëm, Fatmir Xhafaj dhe zëvendësdrejtori i DEA, Anthony Williams. Sa i takon luftës ndaj drogës, Xhafaj kërkoi që të rritet kapaciteti i zyrës së DEA, duke pasur një oficer të dedikuar për Shqipërinë, apo përmes intensifikimit të takimeve dhe operacioneve të përbashkëta, mes Policisë shqiptare dhe Zyrës Rajonale të DEA- s në Greqi. Ministri Xhafaj bëri një ekspoze të arritjeve në luftën kundër kultivimit të kanabisit, duke u ndalur në masat dhe rezultatet e vitit 2017, të cilat bënë të mundur nxjerrjen e vendit nga harta e vendeve që kultivojnë kanabis. Ai prezantoi disa nga masat kyçe të programuara për të garantuar këtë standard edhe gjatë vitit 2018. Në Departamentin Amerikan të Shtetit, ministri Fatmir Xhafaj u prit nga z. Matthew Palmer, i ngarkuar me detyrën e zëvendësndihmësit të Sekretarit të Shtetit për Evropën dhe Euro- Azinë. Palmer tha se qëllimi është "ta shohim Shqipërinë, të avancojë drejt BEsë". Takimi i radhës në Departamentin e Shtetit i ministrit
ARTAN DIDI
Pas një kohe të gjatë shkëputjeje, dje në krah të ministrit të Brendshëm, Fatmir Xhafaj u shfaq edhe ish- drejtori i përgjithshëm i Policisë së Shtetit, Artan Didi. Didid dha dorëheqjen nga detyra për shkak të fshehjes në sirtarin e policisë së urdhër arrestit belg për ishdeputetin kristiandemokrat, Mark Frroku.
të Brendshëm dhe drejtuesve kryesorë të Policisë së Shteti, ishte me zëvendëskoordinatoren për Antiterrorizmin, Alina Romanowski dhe nënshkrimi i marrëveshjes me të. Ai u fokusua në përpjekjet e Shqipërisë lidhur me parandalimin e fenomenit të radikalizmit dhe ekstremizmit të dhunshëm si dhe forcimin e luftës kundër terrorizmit. Romanowski vlerësoi bashkëpunimin e deritanishëm dhe siguroi vazhdimësinë e mbështetjes amerikane sa i takon sigurisë kufitare.