Basha, Ramës: Mosshpallja e emergjencës, vepër kriminale
Kreu i PD inspekton zonat e përmbytura në Shkodër: Prokuroria të nisë hetimet "Po shmangin dëmshpërblimin për të dëmtuarit"
Kreu i opozitës Lulzim Basha inspektoi dje zonat e përmbytura në Shkodër nga ku i bëri thirrje kryeministrit Edi Rama që të shpallë menjëherë gjendjen e emergjencës pasi sipas tij situatat është tejet e vështirë. Z. Basha foli për situatën me të cilën po përballet qarku i Shkodrës, teksa akuzoi kryeministrin e vendit që po bën një shkelje penale, ndaj kërkoi të vihet para përgjegjësisë ligjore për mosshpalljen e emergjencës. Ndalesa e parë e kryedemokratit ishte në Dajç, ku pa nga afër situatën. Basha tha se situata po shkon drejt përkeqësimet dhe se mosshpallja e emergjencës është përgjegjësi ligjore dhe vepër kriminale. "Në këtë gjendje ku ndodheni, ju inkurajoj dhe ju jap mbështetjen time dhe të Partisë Demokratike, banorët këtu në Shkodër e dinë fare mirë që edhe një festë po të zgjasë 15 ditë do të na lodhte, imagjino një përmbytje. Falënderoj organizatat bamirëse, dhe të ndihmës së huaj që japin ndihmën modeste. Mungesa e kryeministrit dhe vartësve të tij fajësojnë përgjegjësinë e tyre. I akuzoj për braktisjen e Shkodrës, dhe mos prezantimin e situatës në gjendjen reale në të cilën ajo është. Në aspektin afatgjatë dëmet janë shumë të mëdha, dëmë në infrastrukturë. Do të përgatisim një raport për dëmet dhe do shohim të japim fonde me aq mundësi sa ka PD, të krijojmë fonde për rikuperim sadopak të vogël të situatës. Do ngremë zërin për shpalljen e gjendjes së emergjencës",- u shpreh Lulzim Basha. Sipas tij ka dy arsye qe qeveria nuk shpall gjendjen e emergjencës. "Mos shpallja e emergjencës për përgjegjësi ligjore dhe penale. Çdo pasojë negative është i drejtoj sot një apel të drejtpërdrejtë për të shpallur emergjencën. Prokuroria të nisë hetimet për çdo neglizhencë. Mos shpallja e emergjencës nga Rama ka dy arsye, e para që është kriminale sa është edhe absurde "Mosshpallja e emergjencës nga Rama ka dy arsye, e para që është kriminale sa është edhe absurde dhe e dyta për të shmangur dëmshpërblimet për familjet e dëmtuara kur ata që janë bashkë përgjegjës",- theksoi kreu i PD- së.