Vetingu, shkarkohet gjykatësi Kushtetues, Fatos Lulo

Avokati Ardian Visha: Vendimi është i padrejtë, do t'i drejtohemi Kolegjit të Apelimit KPK: Nuk justifikon pasurinë me burime të ligjshme

Vetingu skualifikoi ditën e djeshme nga radhët e sistemit të drejtësisë, gjykatësin Kushtetues Fatos Lulo. Vendimi për shkarkimin e tij u mor pas një hetimi administrativ pesë mujor dhe zhvillimit të seancës dëgjimore publike. Komisioni i Pavarur i Kualifikimit vendosi t'i ndërpresë karrierën gjykatësit, me arsyetimin se ai nuk e justifikon pasurinë e tij, një shifër prej gjysmë milioni dollarë. "Në përfundim të procesit të rivlerësimit trupa gjykuese vendosi shkarkimin nga detyra të Fatos Lulo, gjyqtar në Gjykatën Kushtetuese. Vendimi i arsyetuar me shkrimi i njoftohet Lulos, Komisionerëve publikë dhe vëzhguesve ndërkombëtarë. Vendimi publikohet në faqen zyrtare të KPK. Ky vendim apelohet nga Lulo 15 ditë nga data e njoftimit, ankimohet pranë KPK", tha kryetarja e trupës gjykuese Genta Tafa Bungo. Vendimi për shkarkimin e gjykatësit erdhi pasi në raportin e përcjellë në KPK nga ana e Inspektoratit të Lartë të Deklarimit dhe Kontrollit të Pasurisë, për subjektin e rivlerësimit Fatos Lulo, ka mungesë të burimeve financiare të ligjshme dhe deklarim të rremë të pasurisë. KPK tha se gjyqtari ka përfituar 200 mijë dollarë dhuratë nga motra, Drita Lulo, konkretisht 100 mijë dollarë cash dhe një zyrë në rrugën e Durrësit për zotin Lulo. Gjithashtu, ai nuk justifikon pasurinë e tij prej 480 mijë dollarë, shumë e cila sipas avokatit të gjyqtarit, Ardian Visha, është siguruar nga e motra, Drita Lulo. Visha është shprehur se këtë shumë gjyqtari ia ka marrë hua të motrës dhe ia ka kthyer sërish. Gjithashtu, në raportin e ILDKPI- së, rezultoi se Lulo ka shmangur pagesën e taksave në vitet ' 94-' 97, kohë kur ishte avokat. Avokati Ardian Visha tha pak ditë më parë se klienti i tij dispononte librezën ku provon se ka paguar taksat. Por Tatimet në përgjigjen e tyre ndaj KPK- së kanë deklaruar se disponojnë dokumente pas vitit 2004. Ndërkohë pas shkarkimit të Fatos Lulos nga KPK, avokati i tij mbrojtës, u shpreh se do të apelojë vendimin te Kolegji i Apelimit, pasi e cilësoi si të padrejtë dhe të pambështetur në ligj. "Do të apelojmë vendimin. Ne e konsiderojmë të paqenë fabulën mbi të cilën u dha vendimi i sotëm, është i padrejtë dhe i pa mbështetur. Por ky ishte verdikti dhe do të apelohet. Për standardin që vendos, është një stekë shumë e ulët, zor që do të kalojë njeri. Problemi është se kush do të rrijë në sistem. Por a do të shkojë Lulo në zyrë pas vendimit? Ai u pezullua deri në një vendimmarrje të Kolegjit të Apelimit", tha avokati Ardian Visha. Sakaq i njëjti proces do të zbatohet edhe për gjyqtarë dhe prokurorë të tjerë. Ligji parashikon që gjyqtarët dhe prokurorët që nuk justifikojnë dot pasuritë, përjashtohen nga sistemi. Komisioni i Pavarur i Kualifikimit prej kohësh ka publikuar listën me 57 emra gjykatësish e prokurorësh, të cilët Vendimi për shkarkimin e gjykatësit erdhi pasi në raportin e përcjellë në KPK nga ana e Inspektoratit të Lartë të Deklarimit dhe Kontrollit të Pasurisë, për subjektin e rivlerësimit Fatos Lulo, ka mungesë të burimeve financiare të ligjshme dhe deklarim të rremë të pasurisë. po i nënshtrohen me përparësi Vetingut. Ata janë anëtarët e gjykatës Kushtetuese, anëtarët e gjykatës së Lartë, kandidatët për Këshillin e Lartë Gjyqësor dhe Këshillin e Lartë të Prokurorisë.