Dibër, ekzekutoi biznesmenin para shtëpisë, lihet në burg Mahmut Gega
Elsi Kosiqi, babai i 3 fëmijëve u qëllua për vdekje me tri plumba në gjoks 24- vjeçari në gjykatë: Nuk jam unë vrasësi
Nuk jam unë vrasësi". Kështu është shpre hur ditën e djeshme përpara trupës gjykuese, Mahmut Gega, i cili dyshohet si autor i vrasjes së 32vjeçarit Elsi Kosiqi, tre ditë më parë në Maqellarë të Dibrës. Pavarësisht mohimit të akuzave nga 24- vjeçari Gega, gjykata e shkallës së parë Dibër, caktoi masën e sigurisë "arrest me burg", për të riun. Ngjarja e rëndë ndodhi katër ditë më parë, ku 32- vjeçari u ekzekutua në oborrin e banesës së tij. Dyshohet se vrasja ka ndodhur për motive të dobëta. Ndërkohë grupi hetimor, po punon për zbardhjen e plotë të rrethanave të kësaj ngjarjeje.
NGJARJA
Rreth orës 01: 30, krismat e armës kanë terrorizuar pjesëtarët e familjes Kosiqi në Maqellarë. Në momentin që kanë dalë jashtë, ata kanë parë trupin e pajetë të 32vjeçarit dhe menjëherë kanë sinjalizuar policinë, e cila ka mbërritur shpejt në vendng- jarje. Pas kryerjes së veprimeve paraprake, blutë kanë gjetur dhe sekuestruar në oborrin e banesës së kësaj familjeje dy gëzhoja kallashnikovi. Ndërkaq, burime konfidenciale nga policia pohuan se mëngjesin e së hënës, Elsi Kosiqi kishte shkuar në Dibër të Madhe ku kishte qëndruar me disa shqiptarë dhe një shtetas maqedonas gjatë gjithë ditës, deri në mesnatë. Në orën 01: 30 ai është kthyer në banesë, por sapo ka parkuar në oborr makinën e tij tip "Benz" para derës së shtëpisë, autori ka përfituar nga porta e hapur dhe është futur në oborr duke e qëlluar tri herë me armë zjarri. Ngjarja ka ndodhur te veranda e banesës. Më pas autori është larguar me shpejtësi ( ka përfituar nga errësira), duke qenë se shtëpia e familjes Kosiqi ndodhet vetëm disa metra larg nga rruga nacionale dhe 500 metra nga kufiri me Maqedoninë.
HETIMET
Vrasja e babait të tre fëmijëve ka alarmuar policinë, e cila është vënë në kërkim të autorit të krimit. Blutë kanë ngritur postblloqe të shumta në rrugë, ndërsa kanë bërë krehjen e gjithë zonës. Pas ngjarjes, policia deklaroi se vrasësi/ it mund të identifikohen shumë shpejt, pasi në ikje e sipër kanë lënë gjurmë në vendin e ngjarjes.
Vetëm në orët e vona të mbrëmjes së të martës, blutë kanë arritur të identifikojnë dhe të arrestojnë ekzekutorin e biznesmenit Elsi Kosiçi. Zyrtarisht, policia bëri me dije se krimi dyshohet të ketë ndodhur për motive të dobëta pa dhënë detaje të tjera për shkak të ruajtjes së sekretit hetimor. Po sipas policisë, 32- vjeçari njihej si person problematik në zonë dhe se për zbardhjen e plotë të rrethanave të ngjarjes po hetohet e shkuara e tij dhe e vrasësit të dyshuar Mahmut Gega. Në të njëjtën linjë kanë qenë dhe banorët e zonës. Këta të fundit janë shprehur se viktima kishte të kaluar të dyshimtë. Gjithashtu, banorët pohuan se autori i krimit dhe viktima kanë qenë kohë më parë emigrantë në Itali.