Petrit Vasili: Refuzojeni këtë taksë të pisët, ta paguajë qeveria
Kompania koncesionare: Kontrata u firmos nga LSI
Socialiste për In tegrim, u kërkoi dje, qytetarëve ta refuzojnë pagesën e taksës në rrugën e Kombit, në shenjë proteste ndaj këtij vendimi të qeverisë. "Refuzojeni ta paguani taksën për rrugën e kombit, le ta paguajë vetë qeveria", tha dje, në një status në rrjetin social, "FB", Petrit Vasili. "Koncesionin e ' Rrugës së Kombit' e ka miratuar qeveria e koncesioneve të pista. Qytetarët nuk kanë taksirat të paguajnë taksa për të kaluar në një rrugë ku e kanë dhënë boll kontribut me taksat e tyre për ndërtimin e saj", tha dje, kreu i Grupit Parlamentar të LSI- së, Petrit Vasili. "Qeveria ta paguajë vetë këtë taksë, se qytetarët e kanë përmbushur tashmë, me të tepërt bile detyrimin e tyre", shtoi ai. Sipas Vasilit, "qeveria ka dhënë qindra milionë euro koncesione në shëndetësi e gjithandej, le t'i anulojë ato dhe le të financojë mirëmbajtjen e rrugës së kombit. Qytetarët që udhëtojnë drejt verilindjes kryesisht vëllezërit nga Kosova janë të dënuar të paguajnë për të ardhur në Shqipëri, sepse qeveria e kryeministrit vjedh. Refuzojeni ta paguani këtë taksë të pisët, jeni në të drejtën tuaj". Por, pas kësaj deklarate, ka reaguar edhe kompania koncesionare "AHC". Në përgjigjen e saj, kompania thekson se ka qenë pikërisht Ministri i LSI, Sokol Dervishaj që negocioi kontratën e koncesionit. Sipas deklaratës, në 14 tetor 2016, ministri i Transportit i kohës Sokol Dervishaj, drejtoi negocimin e kontratës dhe pasi negocoi tarifat e kalimit të mjeteve, firmosi kontratën. Sipas kompanisë koncesionare AHC, kontrata e firmosur nga Sokol Dervishaj kaloi në qeveri ku ai mbrojti këtë koncesion dhe të njëjtin qëndrim pro saj, mbajti edhe në Komisionin e Veprimtarive Prodhuese, Tregtisë dhe Mjedisit. Kompania vë në dukje se pro tarifës u shprehën publikisht edhe zyrtarë të tjerë të LSI. Deklarata e kompanisë koncesionare AHC, citon edhe deklaratat e ish- ministrit të Transporteve Sokol Dervishaj ku në 14 tetorin e vitit 2016 ai thekson ndër të tjera se "është e rëndësishme që ky koncesion të fillojë të operojë sa më parë".