Hyseni: Edhe Noka ka vjedhur në Sarandë. Salianji: Do shkosh në burg

Berisha, deputetit të PS- së: Shko zgjidhe vetë qelinë, se atje do të shkosh "Je hajdut, more 11 mijë metra tokë në Dhërmi" Haxhinasto: Taksa të përjashtojë banorët e zonës

Opozita e akuzoi depu tetin socialist, Alket Hyseni, për përvetësim të pronës në kundërshtim me ligjin, por ky i fundit i quajti akuzat sulme politike. Hyseni reagoi dje në lidhje me akuzat që janë bërë për vjedhjen e pronave. Nga foltorja e Kuvendit, ai deklaroi se këto janë akuza dhe shpifje të inskenuara nga opozita. Ky është një llum, që e bën opozita në bashkëpunim me kazanin. "Doni të fshihni krizën e financimeve nga rusët, por kjo është e pashmangshme. Miqtë e tu ( Berishës) kanë 30 hektarë në Ksamil. Unë nuk trembem sepse jam me të drejtë. Një për një do dalin aferat e zullumet e ish- zyrtarëve. Ja ku kam dokumentet ku Flamur Noka, vëllai dhe fisi i vet ka Kukësi kanë marrë një pallat të tërë të të pastrehëve në Sarandë dhe i bëj thirrje prokurorisë t'i hetojë, e vazhdoi sulmin nga selia Salianji, që nuk kam çfarë merrem etj.", tha Hyseni. Por pas tij reagoi deputeti i PD- së, Ervin Salianji, sipas të cilit Hyseni ka kërcënuar familjarët e familjes Bua në Dhërmi. Më pas, Salianji deklaroi se Hyseni do të shkojë në burg, pasi akuzat janë shumë të rënda. "Ti në vend që të jesh në gjyq dhe para drejtësisë, del këtu në këtë foltore të nderuar si deputet i Edi Ramës. Me mbrojtjen e tij del dhe përgojon për të thënë që ka edhe të tjerë hajdutë, po mor po... Por, çështja jote është qartësisht abuzive, ti ke marrë 11 mijë metra tokë në mënyrë abuzive në Dhërmi. Dje, një biznesmen, Fatmir Musai në mos gaboj, ju akuzonte se në fshatin e vet turistik ju kishit grabitur 500 metra dhe pavarësisht kallëzimit, prokuroria nuk ju thërret. Kushedi sa ka të tjerë që do dalin për ju, por ju prapë dilni broçkullisni si njeriu që ju ka rënë në dore barra për të vendosur drejtësi. Ti dhe e gjithë qeveria nuk keni çfare thoni një gjë të vetme për mua. Ndërsa ti i pari duhet të shkosh në burg zotëri, reforma në drejtësi është që persona si ti, edhe hajdutë me apo pa çizme të përfundoni në burg!", tha z. Saljani. Por, edhe ish- kryeministri Sali Berisha shigjetoi deputetin socialist duke ia treguar qelinë. "Krahasoni ju gjykatësin me një apartament të falur nga e motra - dakord, të hetohet - me katër apartamente nga madamë Rama, e cila ka drejtuar në bashkëpronësi vetëm një fondacion jofitimprurës?! U fol për 100 "Ndërsa ti Alket, i pari duhet të shkosh në burg zotëri. Reforma në drejtësi është që persona si ti dhe hajdutë me apo pa çizme të përfundoni në burg!", tha z. Saljani. mijë euro dhuratë! Kaq ka ajo një dhuratë të deklaruar bashkë me motrën! Lexoni pak: ' Bashkë me motrën'! Pra, me këto standarde... Le të marrim pak kryebashkiakët. Kryebashkiaku i Rrogozhinës, 10 ha a më shumë, ndiqet në gjendje të lirë. Nuk kam asnjë kundërshtim. Për ndjekje, absolutisht! Alket, edhe ti duhet të ndiqesh, por kur të vijë koha. Po, po! Do të të vijë koha ty. Sot ty të mbron Rama, po nesër do të të vijë koha. Mirë, vazhdo, por do të të vijë koha! Elvis Roshi ndërton me Olsi Ramën në tokën e vjedhur. Frroku mbahet në arrest shtëpie, të mos komu- nikojë me njeri. Me zbatime të njëanshme. Ti ( i drejtohet Hysenit) e di ç'ke ti?! Shko zgjidhe vetë më mirë qelinë. Zgjidhe qelinë, se në fakt do të shkosh! Ta them se do të shkosh. Të them zgjidh qelinë, se hajdut tokash si ti, përveç Ramës...", - deklaroi z. Berisha. Deputeti

i LSI, Ed mond Haxhinasto foli dje në Kuvend për vendimin e aplikimit të taksës për Rrugën e Kombit gjatë kohës që ka qenë ministër. Ish- ministri i Transporteve tha në Kuvend se taksa ishte vendosur mbi tarifën për kilometër dhe se do të ishte nën mesataren e rajonit. Haxhinasto nënvizoi se në dokumentet e konkurrimit shprehej qartë se banorët dhe qytetarët e zonës kanë qenë të përjashtuar nga taksa, ndërsa përdoruesit e shpeshtë të rrugës do të pajiseshin me abone. "Banorët kanë qenë të përjashtuar nga taksa, që përdoruesit e shpeshtë të rrugës të kenë abone, që do të thotë se tarifa nuk do të jetë kjo që është vendosur, por shumë më e ulët se kaq. Dua të theksoj edhe investimet që duheshin bërë, rruga e re e Kukësit, kthesa e re e Kukësit drejt Morinës dhe përmirësimi i gjithë skarpateve", tha Haxhinasto.