Drejtoresha e "Sami Frashërit" nuk pranon aktivistët e LGBT- së në shkollë
Karaj e Pinderi, letër kryeministrit Rama
Aktivistët
e LGBT që prej disa ditësh kanë ndërmar rë një fushatë sensibilizuese nëpër gjimnazet e kryeqytetit, për të diskutuar me adoleshentët e këtyre shkollave mbi bulizmin dhe fenomene të eksperiencave të tyre, kanë ndeshur pengesën e parë. Edhe pse fushata e tyre ka miratimin e qeverisë, drejtoresha e gjimnazit "Sami Frashëri", Teuta Dobi ka vendosur të mos i pranojë në këtë shkollë e të mos i lërë të vijojnë fushatën e tyre. Deklarata e Dobi- t ka ngjallur shqetësime, prandaj Xheni Karaj, drejtore e Aleancës LGBT dhe Kristi Pinderi, anëtari i bordit të drejtorëve të Pro LGBT i janë ankuar publikisht kryeministrit Edi Rama nëpërmjet një letre. "Zoti Rama, Ashtu siç jemi të sigurt se ju e dini shumë mirë, ky është një rast flagrant që nuk duhet lënë pa përgjigje. Zonja në fjalë jo vetëm që ka shkelur gjithë kodet e etikës të profesionit të nderuar që përfaqësonm por mohimi për të trajtuar këdo në mënyrë të barabartë është një veprim i dënueshëm nga ligjet shqiptare",- thuhet në letrën drejtuar Ramës. Përfaqësuesit e komunitetit LGBT në Shqipëri më tej i kanë bërë me dije kryeministrit se do të njoftojnë çdo organizëm ndërkombëtar brenda dhe jashtë Shqipërisë për këtë rast dhe për dhjetëra raste të tjera flagrante kur mësuesit keqtrajtojnë personat e perceptuar si pjesëtarë të komunitetit LGBT. "Ne tashmë kërkojmë hapa konkretë që të bindemi se e keni seriozisht çështjen e respektimit të të drejtave të njeriut", - mbyllet letra.