Vendimi: Të krijohen 3 lagje të reja në kryeqytet
Kryeqytetit
do t'i shtohen edhe 3 lagje të tjera, res pektivisht në zonën e Freskut, Tiranës së re në Kashar dhe në zonën e Selitës në Farkë. Ky është një tjetër vendim i marrë ditën e djeshme në mbledhjen e Këshillit Bashkiak të Tiranës. "Banorët e lagjeve periferike të Tiranës urbane, i duhet të humbasin një ditë të tërë pune apo të udhëtojnë gjatë për të marrë një shërbim në zyrat e njësive administrative. Ndaj nisur nga kjo situatë problematike dhe shqetësimi i vazhdueshëm i qytetarëve të përcjella edhe në dëgjesat publike të zhvilluara gjatë muajit nëntor nga Bashkia e Tiranës, si dhe nga peticionet e disa banorëve të zonave të lartpërmendura, Këshillit Bashkiak miratoi vendimin për krijimin e tri lagjeve të reja në kryeqytet si pjesë e zonës urbane, të cilat do të emërtohen "Lagjja nr. 12", "Lagjja nr. 13" dhe "Lagjja nr. 14".",tha Veliaj në fjalën e tij. Sipas këtij të fundit, ky riorganizim i jep zgjidhje një sërë problematikash që kanë qenë një shqetësim i vazhdueshëm për banorët dhe do të sjellë më shumë investime.
së nxënësve të arsimit parauniversitar në institucionet arsimore publike. Më tej, Këshilli dha pëlqimin për kalimin në pronësi të sipërfaqes prej 235 m2 në favor të Ministrisë së Kulturës, si dhe u miratua marrëveshja për projektin "Zgjerimi i impiantit të përpunimit të ujit të Bovillës dhe ndërtimit të një linje të re furnizimi për pjesën perëndimore të Bashkisë Tiranë". Këshilli Bashkiak miratoi edhe disa vendime të tjera me karakter social, si projektvendimet për dhënien e ndihmës ekonomike për periudhën 1 mars deri në 31 mars 2018; për
miratimin e pagesës për PAK e invalidët e punës për periudhën 1- 31 mars 2018; për kompensimin e çmimit të energjisë elektrike, për kategoritë përfituese, gjatë periudhës 1- 28 shkurt 2018 si dhe për miratimin e familjeve përfituese dhe fondit nga programi i bllok- ndihmës ekonomike deri në 6 për qind me fondet e buxhetit vendor, për periudhën 1- 28 shkurt 2018. Ndërkohë, Bashkia e Tiranës do të nisë rehabilitimin e rrugëve, të cilat pësuan dëmtime për shkak të reshjeve dhe temperaturave të ulëta gjatë dimrit.