Rama anuloi vizitën në Shkodër, PD: Të zuri frika e protestave
E prisnin në Shkodër, por iku në Vlorë, PD: I çekuilibruar, protestat e ndjekin nga pas Kryeministria: S'e kishte në plan, u shpik nga PD
Shkodranët e prisnin dje Edi Ramën me pro testë, por ai u shfaq në Vlorë dhe këtë demokratët e konsideruan si frikë të kryeministrit për t'u përballur me protestat. Por Kryeministria reagoi ndaj protestës së shkodranëve duke thënë se kreu i qeverisë nuk ka pasur asnjë plan për të vizituar Shkodrën. Sipas Kryeministrisë, vizita e tij në veri është shpikur dhe supozuar nga PD- ja me qëllimin për të nxitur tension të kotë në luftën e dëshpëruar me pafuqinë saj. Kryeministria sqaron më tej se kreu i qeverisë, ditën e shtunë ishte në një aktivitet në Vlorë me rastin e 100- vjetorit të Shërbimit Stomatologjik, ku nëna e tij Aneta Rama nderohet nga Urdhri i Stomatologëve të Shqipërisë, si gruaja e parë në këtë shërbim. Por Partia Demokratike, në një deklaratë për mediat, insistoi në variantin e saj se Kryeministri e anuloi vizitën në Shkodër pasi ka frikë nga shkodranët dhe protestat. "Kryeministri nuk ka pasur asnjë plan për të vizituar Shkodrën sot ( dje) dhe vizita e tij e supozuar, është shpikur nga Partia Demokratike për të nxitur një tension të kotë në luftën e dëshpëruar me pafuqinë e saj. Sot kryeministri është në Vlorë për të marrë pjesë në takimin e planifikuar me rastin e 100- vjetorit të Shërbimit Stomatologjik në Vlorë , ku nena e tij, Aneta Rama, do të nderohet nga Shoqata e Stomatologë ve të Shqipërisë, si gruaja e parë në kë të shërbim", thuhet në njoftimin e Kryeministrisë. Pas deklaratës së Kryeministrisë, reagoi PD- ja përmes një deklarate për mediat, e cila theksoi se Rama u tregua frikacak përballë qytetarëve të Shkodrës. Sipas demokratëve, Rama është i çekuilibruar për shkak të protestave që po e ndjekin deri te dera e shtëpisë, ndaj sipas tyre gënjeu sot publikisht shqiptarët, kur tha se do shkonte në Vlorë. PD bëri të qartë se Kryeministria e kishte shpërndarë njoftimin për axhendën e Ramës në Shkodër te disa nga gazetarët. "Edi Rama u fsheh si frikacak sot nga shko- "Edi Rama u fsheh si frikacak nga shkodranët, duke anuluar vizitën e bërë publike një ditë më parë nga mediat e kontrolluara prej tij. I çekuilibruar psikologjisht, për shkak të protestave që po e ndjekin deri tek dera e shtëpisë, Rama gënjeu shqiptarët, kur tha se nuk kishte në plan të shkonte në Shkodër, por në Vlorë",theksoi PD- ja.