Peleshi: TVSH zero për kooperativat, procedurat për të përfituar subvencione
Ministri në Laknas: Aplikimet për grantet dhe subvencionet mbyllen më 27 prill Shteti do të shpërndajë 2.56 miliardë lekë
Fermerët që krijojnë një kooperativë do të përfitojnë përjashtim nga TVSH- ja. Ka qenë kjo deklarata e ministrit të Bujqësisë, Niko Peleshi, gjatë takimit të zhvilluar në fshatin Laknas, të qarkut të Tiranës, për të informuar fermerët dhe për t'u ofruar asistencën e duhur për skemat e programit IPARD. Siç është njoftuar edhe më parë, çelja e "Thirrjes së parë" për aplikime për financime, subvencione dhe grante që ky program do të japë për bujqësinë shqiptare, do të bëhet në fillim të muajit maj. Gjatë takimit ku ishin të pranishëm përfaqësues të organizatave anëtare të Këshillit të Agrobiznesit Shqiptar, ministri Peleshi u shpreh se promovimi i këtij programi është një proces, që kërkon në radhë të parë një punë të detajuar sqaruese, që duhet bërë mundësisht personalisht, me të gjithë ata që janë të interesuar, me qëllim kthimin e besimit për të gjithë aktorët pjesëmarrës për aplikimet dhe përfitimet nga këto skema. Më tej Peleshi është shprehur se një rëndësi e veçantë i është dhënë transparencës me të cilën do zhvillohet ky proces, i cili do të vazhdojë të jetë e tillë dhe gjatë vlerësimit dhe përzgjedhjes së fituesve. "Paratë janë, por na duhet t'i çojmë tek përfituesit. Rruga nga dëshira dhe deri tek përfitimi kalon së pari nga qartësimi i idesë, pastaj kthimi i kësaj ideje në projekt, pastaj plotësimi i projektit me gjithë të dhënat që kërkon programi i IPARD- it, aplikimi dhe padyshim, pastaj procesi i vlerësimit. Është detyra jonë që të jetë edhe më transparent edhe më i shpejtë, edhe më i mbrojtur nga fenomenet, të cilat nuk kanë munguar në të kaluarën. Unë besoj se kemi bërë hapa të rëndësishëm drejt rritjes së transparencës, madje në skemën kombëtare, që tani është akoma në proces, mbyllen në datën 27 prill aplikimet për skemën kombëtare të granteve dhe subvencioneve, ne e çuam në zero burokracinë për sub- vencionet, për pagesat direkte", tha Peleshi.
SUBVENCIONET
Shteti shqiptar do të shpërndajë 2.56 miliardë lekë në grante për të mbështetur bujqësinë dhe zhvillimin rural. Skema e re përfshin mundësi financimi që nga mbjelljet e reja e deri tek investimet në sera, teknikat e ujitjes, shtimin e kafshëve, blerjen e makinerive e deri tek hapja e dyqaneve për të tregtuar produkte vendi. Ministria e Bujqësisë ka përgatitur një "skemë" dhe fondet për secilën pikë të saj do të jenë të kufizuara, në mënyrë që fermerët të diversifikojnë produktin dhe investimet në bazë të nevojave të vendit. Në këtë rast, aplikimi për një nga skemat që ka fondin më të madh i jep fermerit shansin më të lartë për Sipas vendimit mësohet se aplikuesit duhet të jenë shtetas shqiptarë ose kompani me bashkëpronësi, njëri nga të cilët të jetë shqiptar. Përfitues sipas masave mbështetëse mund të jenë fermerë individualë, grup fermerësh, subjekte me status fizik, juridik, SHBB, OMP ose OJF. Fermerët individualë duhet të jenë të pajisur me NIPT- in e fermerit. Ndërsa SHBB- të, OMP- të dhe personat fizikë dhe juridikë të jenë të pajisur me NIPT/ NUIS.
të përfituar. Sipas vendimit të ministrit të Bujqësisë, pjesa më e madhe nga fondi i programit do të shkojë për ndërtimin e serave diellore për kultivimin e domates, kastravecit dhe specit. Për këtë zë, qeveria ka vendosur të financojë plot 626.4 milionë lekë. Një vlerë të madhe financimi do të jepet edhe për krerët e lindur të matrikulluar në fermat me mbi 100 dele/ dhi ose mbi 20 lopë. Për
këtë zë, nga programi do të jepen 243.6 milionë lekë. Një pjesë të madhe të buxhetit e zë gjithashtu ndërtimi i thertoreve, si dhe mbështetja për pikat e grumbullimit dhe fermerëve që blejnë fidanë. Sa u takon kulturave bujqësore, pjesa më e madhe e fondit do të shkojë për mbjelljen e ullinjve me fidanë autoktonë dhe për mbjelljen e lajthisë dhe shegës, si dhe vreshtave.