U ndërtuan me leje të falsifikuara, sekuestrohen 2 pallate në Shëngjin
Nën sekuestro dhe trualli me sipërfaqe 1146.6 m2 në pronësi të Bledar Dedës në Lezhë Policia: Objektet në pronësi të Agustin Uldedajt
Gjykata e Shkallës së Parë të Lezhës ka vendosur sekuestro preventive ndaj disa pasurive të paluajtshme, pasi nga hetimet e kryera nga prokuroria ka rezultuar se janë ndërtuar në kundërshtim me ligjin, me leje të falsifikuara. Burime zyrtare nga drejtoria e policisë së këtij qarku dje bënë me dije se të premten, gjykata ka vendosur sekuestro mbi pasuritë e paluajtshme, pallate në ndërtim të një shoqërie sh. p. k. në Kune të Shëngjinit në pronësi dhe administrator të shtetasit Agustin Uldedaj. Konkretisht është vënë nën sekuestro një pallat 5 katësh dhe në proces kati i fundit, me sipërfaqe të sheshit të ndërtimit 2000 m2 dhe një pallat 7 katësh, në proces kati i fundit, me sipërfaqe të sheshit të ndërtimit 4712 m2. Gjithashtu, është vendosur nën sekuestro preventive dhe një truall me sipërfaqe 1146.6 m2 në lagjen "Besëlidhja" të qytetit të Lezhës, e cila është në pronësi të shtetasit Bledar Deda. Në njoftimin e prokurorisë së Lezhës thuhet se: "Arsyeja e vendosjes së kësaj sekuestro është bërë pasi, nga vendimi penal i gjykatës, leja për ndërtim ka rezultuar e siguruar në kundërshtim me ligjin. Njëkohësisht, pranë Zyrës Vendore të Regjistrimit të Pasurive të Paluajtshme Lezhë u kryen veprimet duke vendosur kufizimet përkatëse në zbatim të vendimit penal të gjykatës". Ndërkaq, burimet e mësipërme pohuan se ky procedim policor me rezultat "Sekuestro preventive" ësh- të rezultat i bashkëpunimit të ngushtë me policinë së Lezhës, e cila ka referuar në prokurorinë e këtij rrethi materialet procedurale mbi bazën e dyshimit të arsyeshëm, në lidhje me këto dy
raste për veprat penale: "Ndërtim i paligjshëm" dhe "Falsifikim dokumentesh" si dhe Prokuroria e Rrethit Gjyqësor, e cila ka regjistruar procedimin penal duke kryer më pas veprimet e