Ekzekutohet me plumb në kokë në Bogota të Kolumbisë, shqiptari Adriatik Lagji
Policia : Ngjarja dyshohet të ketë marrë shkas nga trafiku i kokainës Viktima nga Borshi i Sarandës, baba i një fëmije
Një tjetër shqiptar ka mbetur i vrarë me armë zjarri në Amerikën Latine, konkretisht në Bogota, kryeqytetin e Kolumbisë. Lajmin e ka bërë të ditur gazetari Artan Hoxha, i cili ka publikuar në profilin e tij në ' Facebook' detaje mbi vrasjen. Bëhet fjalë për shtetasin Adriatik Lagji. Ndërkaq, Hoxha numëron vrasjet në Ekuador dhe atentatet ndaj shqiptarëve, të cilat tashmë janë zhvendosur edhe në Kolumbi. Ndërkohë, burime për "Gazeta Shqiptare" bëjnë me dije se vrasja e Adriatik Lagjit ka ndodhur në 4 prill. Ai ka qenë i martuar me një kolumbiane dhe është prind i një djali. Në Bogota, Adriatik Lagji nga Saranda njihej me emrin Andrea, ndërsa mësohet se është qëlluar me disa plumba në kokë. "Pas vrasjeve të vitit të kaluar dhe 4 atentateve ku viktima ishin shqiptarët në Guayaquil të Ekuatorit, këtë radhë ngjarjet janë zhvendosur në Kolumbi, vendi nga ku u nis kontenieri me 613 kg kokainë i kapur në Maminas një muaj e gjysmë më parë. Këtë radhë viktima është shqiptari nga Borshi i Sa- randës, Adriatik Lagji, i ekzekutuar në kryeqytetin e Kolumbisë, Bogota. Policia shqiptare po kërkon informacion nga kolegët kolum- bianë nëse kjo ngjarje ka lidhje me narkotrafikun dhe përfshirjen e shqiptarëve në trafikun e kokainës. Lagji kishte kohë që jetonte në kryeqytetin kolumbian, Bogota. Dyshimet e policisë janë se kjo vrasje ka të bëjë me luftën për territor të grupeve kriminale shqiptare të përfshira në trafikun e kokainës nga Amerika e Jugut drejt Europës…"-, shkruan gazetari Hoxha.