Cilësia supreme dhe besueshmëria e konsumatorit, "Birra Korça" investon në teknologjinë më të re
Tomáš Horáçek: Shijen e saj mund ta krahasojmë me atë të birrës çeke Rriten kapacitetet prodhuese të fabrikës më me histori në Shqipëri Zbatimi i projektit rikthen kompaninë çeke "ZVU STROJÍRNI"
Birra "Korça" ka shijen e vërtetë të birrës çeke". Kështu u shpreh përfaqësuesi i kompanisë çeke "ZVU STROJÍRNI", Tomáš Horáçek, kompani e cila ka kryer instalimin e teknologjisë më të fundit, në fabrikën më të vjetër të birrës në vendin tonë. E kush më mirë se çekët do të vlerësonin birrën më të famshme shqiptare, tradita e të cilës nis që në shekullin e XII të erës sonë. E pikërisht rritja e kërkesave të shumta në treg për "Birra Korça" solli nevojën për rritjen e kapaciteteve prodhuese, të cilat përkojnë dhe me 90- vjetorin e ndërtimit të fabrikës më të famshme të birrës. Cilësia e pa konkurrueshme e birrës së parë shqiptare, teknologjia me të cilën prodhohet dhe shija origjinale e saj po rritin gjithnjë e më shumë besueshmërinë dhe kërkesën e konsumatorit vendas. Investimi miliona euro i kompanisë "Birra Korça" ka rikthyer në Korçë kompaninë çeke "ZVU STROJÍRNI" për të zbatuar projektin, duke instaluar teknologjinë e fundit, gjë që mundëson rritjen e kapacitetit të prodhimit, për përballimin e kërkesave të larta të tregut vendas dhe të eksportit.
Teksa vizitoi ambientet bashkëkohore të fabrikës se prodhimit të kësaj pije, përfaqësuesi i kompanisë çeke Tomáš Horáçek tha se kjo markë ruan vlerat dhe cilësinë e saj prej vitesh.
"Jemi këtu për rritjen e kapacitetit të prodhimit të "Birra Korça", për të rritur kapacitetin në treg e kështu me radhë. Kjo është puna jonë, të cilën e kemi bërë për kompani të mirënjohura që tregtojnë birrë në Europë dhe që e tregtojnë jashtë Europe. Është një bashkëpunim që ka nisur 10 vjet më parë dhe që do të vijojë. Teknologjia është tepër e avancuar, është e kohëve të fundit",- tha Tomáš Horáçek.
Pasi shijoi një birrë "Korça" përfaqësuesi i kompanisë çeke tha se ajo i përngjan birrës së prodhuar në vendin e tij.
"Kjo fabrikë mund të prodhojë birrë shumë të mirë. Unë e kam shijuar dhe është shumë e mirë. Shijen e saj mund ta krahasojmë me atë të birrës çeke",- u shpreh entuziast Horáçek.
"Birra Korça" vazhdon të ruajë cilësinë dhe po shton kapacitetin e prodhimit për tregje të reja në Europë, Amerikë dhe vende të tjera të botës.
"Gjithë investimi është duke u kryer me kompaninë çeke ' ZVU STROJÍRNI', e cila ka instaluar fabrikën në vitin 2005 dhe vazhdon të na suportojë me teknologji dhe me pajisje të reja për të përmbushur standardet më të mira europiane dhe botërore",- theksoi Gentian Ramollari, drejtor i fabrikës "Birra Korça".
Në prag të sezonit turistik, Korça vazhdon të mbetet një ndër destinacionet kryesore të turistëve vendas dhe të huaj, të cilët nuk mund të mos tundohen nga shija e veçantë e birrës që mban emrin e këtij qyteti. Projekti i fabrikës "Birra Korça" u hartua nga një projektues italian në vitin 1928, me vendim të parlamentit të asaj kohe dhe me miratim të Mbretit Zogu I, me dokumente të firmosura nga Pandeli Evangjeli, Mit'hat Frashëri dhe avokati Mano. Fabrika e birrës filloi të ndërtohet në prefekturën e Korçës në tetor të vitit 1929. "Birra Korça" u themelua nga investitori italian Umberto Umberti nga provinca e Valdobjodenit e Venecias dhe Selim Mborja nga fshati Mborje i Korçës. "Birra Korça sh. a.", me një kapital prej 950 000 frangash ari, kapaciteti prodhues i projektuar ishte 20 000 hl birrë/ vit. Fabrika prodhonte birrë bionde, të zezë, ujë "Kristal" dhe akull. Procesi teknologjik i prodhimit të birrës për herë të parë u vendos nga inxhinieri teknolog gjerman Hebard Geraldine, proces që ruhet edhe sot. Në vitin 1942 filloi ndërtimi i fabrikës së prodhimit të maltos, që përfundoi në vitin 1943. Pas Luftës së Dytë Botërore dhe me vendosjen e pushtetit komunist në Shqipëri më 11 janar të vitit 1946, fabrika "Birra Korça" u shtetëzua, bazuar në ligjet në fuqi. më 1934: 600 hl, më 1939: 10 000 hl, më 1944: 8 100 hl, më 1957: 46 300 hl, po kaq edhe në vitin 1958. Pas çlirimit të vendit u rrit prodhueshmëria falë disa rikonstruksioneve në vitet 1955, 1957 dhe, më i rëndësishmi, më 1965.