Shpallet lista e plotë e barnave të rimbursueshme për 2018- ën

Herceptina brenda rimbursimit, ndryshon mënyra e marrjes së medikamentit

Ditën

e djeshme është miratuar lista e re e barnave të rimbursueshme për vitin 2018- të, në të cilën janë shtuar plot 36 medikamente, ku 16 prej tyre janë principe aktive. Këshilli i Ministrave ka vendosur që të miratojë listën e barnave të rimbursueshme, që tregtohen në farmacitë e spitaleve, e cila i bashkëlidhet këtij vendimi si dhe miratimin e listës II të barnave që rimbursohen nga Fondi i Sigurimit të Dety- rueshëm të Kujdesit Shëndetësor. "Këshilli i Ministrave vendosi miratimin e masës së mbulimit të çmimeve të barnave të rimbursueshme, renditur sipas klasifikimit ATC, në masën 50% - 100%, sipas grupeve terapeutike dhe barnave të dhëna në pasqyrën I, që i bashkëlidhet këtij vendimi; miratimin e marzheve të tregtimit për barnat e listës së rimbursueshme, përkatësisht, në masën 8% për tregtimin me shumicë dhe 24% për tregtimin me pakicë si dhe miratimin e marzheve të diferencuara të tregtimit me shumicë dhe me pakicë të disa barnave të listave I e II, të përcaktuar në pasqyrën II, që i bashkëlidhet këtij vendimi", - theksohet në Fletoren Zyrtare. Ndërkohë, Fondi i Sigurimit të Detyrueshëm të Kujdesit Shëndetësor është ngarkuar të përcaktojë kufi- zimet në përdorimin, sasinë dhe kohëzgjatjen e trajtimit me barnat e kësaj liste. Nëse gjatë periudhës kur ky vendim është në fuqi ulen çmimet për barnat e paregjistruara të listës ose barnat alternativë e vetme, që tregtohen në farmacitë e spitalit, Fondi i Sigurimit të Detyrueshëm të Kujdesit Shëndetësor, me njoftim të Agjencisë së Barnave dhe Pajisjeve Mjekësore, reflekton uljen e çmimit të barit në listë. Pulla e kontrollit të barit do të lëshohet pas miratimit të çmimit nga Fondi i Sigurimit të Detyrueshëm të Kujdesit Shëndetësor. "Efektet financiare të kësaj liste, pa përfshirë kufizimet, përballohen nga buxheti i miratuar për vitin 2018 për Fondin e Sigurimit të Detyrueshëm të Kujdesit Shëndetësor dhe referojnë nivelin e realizimit faktik të tyre, regjistruar për vitin 2017. Vendimi nr. 380, datë 25.5.2016, i Këshillit të Ministrave, "Për miratimin e listës së barnave që rimbursohen nga Fondi i Sigurimit të Detyrueshëm të Kujdesit Shëndetësor dhe të masës së mbulimit të çmimit të tyre, i ndryshuar shfuqizohet", - nënvizohet në vendimin e Këshillit të Ministrave. Lista e re e barnave të rimbursueshme për vitin 2018 pritet të hyjë në fuqi në 1 maj e ajo çka përbën risi për këtë vit është futja e herceptinës brenda rimbursimit, duke ndryshuar edhe mënyrën e marrjes së dozës. Për të shkurtuar kohën dhe sorollatjet drejt QSUT- së, tashmë gratë do mund ta marrin këtë medikament me shiringë edhe në spitale të tjera të vendit, çka do të krijojë mundësinë e trajtimit vetëm brenda 20 minutash. Voltiza Duro