Tabaku: Deputetët e PS ndihmuan Agron Xhafajn me pezullimin e lojërave të fatit
Akuzat, PD bllokon komisionet: Të ikë ministri
kërkuan dorëheqjen e ministrit të Brendshëm, Fatmir Xhafaj edhe në komisionet parlamentare duke bllokuar zhvillimin normal të seancave. Deputetët e PDsë e cilësuan të pavend vijimin e seancave normale në një kohë që janë publikuar fakte serioze për vëllain e ish- ministrit të Brendshëm. "Derisa sa ministri i Brendshëm të japë dorëheqjen nuk do të ketë seancë normale as në komisione dhe as ën Kuvend, sepse ne jemi të vendosur të mos e lëmë qeverinë të jetë pasqyrë e organizatave kriminale", deklaroi kreu i grupit të PD- së, Edmond Spaho. Deputetja e PS- së, Milva Ekonomi tha që do të jetë prokuroria dhe gjykata që do të nxjerrin përfundimet dhe kërkoi nga deputetët e PD- së të mos keqinformonin publikun. Edhe te Komisioni i Ekonomisë, demokrati Edmond Spaho kërkoi largimin e ministrit të Brendshëm nga posti që mban, në mënyrë që t'i hapë rrugën prokurorisë të zbardhë të gjithë ngjarjen. Ajo që u detyrua të lërë komisionin këtë herë ishte vetëm opozita, e cila u ngrit sapo kreu i komisionit vendosi të hedhë poshtë akuzat e opozitës. "Që Fatmir Xhafaj është një nga ministrat e Brendshëm që ka pasur Shqipëria, jo vetëm në aspektin e raportit të tij me ligjin personal, por edhe në tagrin e ministrit, por edhe në aspektin tjetër të goditjes së krimit të organizuar dhe goditjes së trafikut të drogës", tha z. Braçe. Ndërsa nënkry- etarja e komisionit, Jorida Tabaku deklaroi se anëtarët e majtë të Komisionit të Ekonomisë kanë ndihmuar trafikun e lojërave të fatit për Agron Xhafajn, duke pezulluar ligjin. "Të diskutojmë edhe për ligjin e lojërave të fatit z. Braçe, që u shty në dy vite, siç duket për të mbrojtur interesat kriminale që sot drejtojnë Ministrinë e Brendshme. Këtu anëtarët e majtë të këtij komisioni kanë ndihmuar drejtpërdrejt Agron Xhafajn për të përfituar nga trafiku i lojërave të fatit. Komisioni i Ekonomisë duhet të kishte këtë në rend dite. Sot çdo axhendë parlamentare duhej të fillonte me se si mundet deri në qershor të ndihmojmë që Shqipëria të hapë negociatat. Si mundet që deri në qershor ne të përmirësojmë situatën, duke nisur që nga lufta ndaj krimit dhe drogës, që fillon me dorëheqjen e ministrit të Brendshëm", deklaroi Tabaku.