Rama shtrëngon duart me Macron, biseda në takimin 1 orë e gjysmë
Kryeministri, nesër në Samitin e Sofjes me liderët e Ballkanit Perëndimor Presidenti francez shpreh shqetësim për numrin e azilkërkuesve
Kryeministri Edi Rama u prit dje në një takim zyrtar nga Presidenti francez, Emmanuel Macron. "Me Presidentin Macron në Pallatin Elysée", shkroi kryeministri Rama në rrjetin social "Facebook", ndërsa shpërndau edhe pamje nga pritja zyrtare, ku shihet se ata kanë shtrënguar duart dhe kanë biseduar në një klimë tejet miqësore. Takimi, i cili u zhvillua në Pallatin Elysee, në Paris, cilësohet si mjaft i rëndësishëm për vendin tonë, pasi në tryezën e bisedimeve do të jetë qëndrimi i Francës në lidhje me procesin e integrimit të Shqipërisë, e cila është në pritje të një vendimi nga ana e vendeve të BE- së në muajin qershor për hapjen e negociatave. Takimi me Presidentin e Francës, Emanuel Macron ka zgjatur më shumë se 1 orë e 30 minuta. Franca është një ndër vendet skeptike së bashku me Holandën dhe Gjermaninë që ende nuk ka një vendim për vendin tonë, ndërsa shqetësimi kryesor i tyre ka qenë niveli i azil kërkuesve. Këtë shqetësim Macron mësohet se ia ka përcjellë edhe kryeministrit Rama. Por sipas burimeve brenda ekipit shqiptar që shoqëronte kryeministrin, Rama mësohet të ketë kërkuar që Shqipërisë t'i njihet merita e reformave të kryera dhe ka garantuar
vijimin e tyre përgjatë bisedimeve për anëtarësim. Mësohet se presidenti francez ka kërkuar kohë dhe nuk ka dhënë një vendim përfundimtar, por ka vlerësuar reformën në drejtësi dhe rolin e Shqipërisë në rajon. Më herët Macron është shprehur se BE duhet të reformohet brenda vetes përpara se të zgjerohet, ndërsa kryeministri Rama ka thënë se reforma e brendshme e Unionit duhet të vazhdojë paralel-
isht me zgjerimin. Takimi i shefit të ekzekutivit shqiptar me Macron është pjesë e turit të lobimit që ka ndërmarrë kryeministri Rama në funksion të vendimit për çeljen e negociatave për anëtarësim të Shqipërisë në Bashkimin Europian.
SAMITI I SOFJES
Ndërkohë, kryeministri Edi Rama do të jetë i pranishëm më 17 maj në samitin e Sofjes. Liderët e Ballkanit Perëndimor janë ftuar të mar- U mbyll dje edhe raundi i dytë i bisedimeve mes Shqipërisë dhe Greqisë mbi përcaktimin e hapësirave detare. Në njoftimin e Ministrisë shqiptare të Punëve të Jashtme thuhet se ky takim u bë në Athinë, pas atij në Tiranë. "Takimi u zhvillua në një klimë konstruktive dhe bashkëpunuese", thuhet në njoftim.
rin pjesë në një drekë jozyrtare, të thirrur nga Presidenti i Këshillit të Europës, Donald Tusk. "Perspektiva evropiane për Ballkanin Perëndimor duhet të mbetet një angazhim i vendosur në të dyja anët. Investimi në lidhjet infrastrukturore dhe njerëzore me dhe brenda rajonit të Ballkanit Perëndimor është në interesin më të mirë të BE. Dhe qëllimi i takimit tonë është ta provojmë", shprehet mes të tjerave Tusk.