Që sot për të mbrojtur pyjet dhe mjedisin
zhin e mrekullueshëm që ofron natyra, me malet e Moravës, Malit të Thatë, Ivanit dhe Gramozin më në lindje, pyjet e kullotat, liqenet e Ohrit dhe Prespës, arat dhe fushat të qëndisura nga duart e fermerëve të këtij qarku, si dhe ekzistenca e parqeve kombëtarë të mbrojtura, janë padyshim atraksioni më pozitiv i këtij qarku. Ndaj dhe me të drejtë zhvillimi i qëndrueshëm i turizmit është deklaruar si prioritet i ekonomisë lokale.
Një vlerë tjetër e shtuar, që në të ardhmen do të mund të shërbejë edhe si markë e rajonit, është Rezerva Ndërkufitare e Biosferës OhërPrespë, e para rezervë ndërkufitare biosfere në Ballkan, që ofron modele të konservimit të biodiversitetit, të aktiviteteve ekonomike të bazuara në zhvillimin e qëndrueshëm dhe të monitorimit, kërkimit dhe edukimit për mjedisin natyror.
Por përveç kësaj panorame, që synon tek ardhmëria, zhvillimi i turizmit dhe i veprimtarive të tjera ekonomike në këtë trevë sfidohet nga rreziqet e ndryshme të lidhura me mjedisin, në veçanti nga keqtrajtimi i pyjeve. Fenomenet negative si prerjet e paligjshme, djegia e pyjeve e kullotave, gjuetia e pakontrolluar, që aktualisht janë të pranishme në të gjithë territorin e qarkut po çojnë në humbjen e biodiversitetit dhe në dëmtime të pakthyeshme të ekosistemeve natyrore të basenit Ohër- Prespë, veçanërisht të ekosistemeve pyjore, me pasoja për jetën e banoreve të sotëm dhe të brezave të ardhshëm.
Konsumi i druve të zjarrit për ngrohje sjell pasoja edhe në ndotjen e ajrit. Gjatë periudhës nëntormars, ndotja e ajrit në qytetin e Korçës arrin vlerat maksimale në shkallë vendi, deri ne 109,63 mikrogram për m3, për sa i takon PM10, grimca të ngurta pezull në ajër, ( grimca ndotëse me një diametër më të vogël se 10 mikrometër). Këto grimca konsiderohen si rreziku më i madh shëndetësor për zonat e urbanizuara, pasi depërtojnë në pjesën e poshtme të mushkërisë duke rrezikuar shëndetin e banorëve dhe duke kompromentuar ecurinë e turizmit në periudhën e dimrit.
Me ligjin Nr. 48/ 2016 “Për disa ndryshime dhe shtesa në ligjin nr. 9385, datë 4.5.2005, ‘ Për pyjet dhe shërbimin pyjor’, të ndryshuar”, pyjet e tokat pyjore që ndodhen brenda territorit administrativ të bashkisë, transferohen në pronësi të saj, me përjashtim të zonave të mbrojtura. Ligji përcakton krijimin e strukturës përgjegjëse për pyjet dhe kullotat në përbërje të bashkisë, si organ i specializuar i shërbimit pyjor në nivel vendor, me atribute teknike, menaxhuese e këshillimore. Por gjykojmë se ky shërbimi i