Basha: Po terrorizohet dëshmitari, Rama e Xhafaj gati ta eliminojnë
Ministri shkoi në Kuvend pasi iku opozita, kreu i PD- së: Larg duart nga Albert Veliu "Do të marrin përgjigjen më të ashpër nga opozita"
Kreu i PD- së, Lulzim Basha, paralajmëroi dje kryeministrin Edi Rama dhe ministrin e Brendshëm, Fatmir Xhafaj që të qëndrojnë larg dëshmitarit Albert Veliu, në të kundërt do të marrin përgjigjen më të ashpër nga opozita dhe populli. Në konferencën e jashtëzakonshme nga selia e PD- së doli vetë kryedemokrati Lulzim Basha i ndjekur nga deputetët Ervin Salianji, Enkelejd Alibeaj dhe eksperti ligjor Gazment Bardhi. Sipas kryedemokratit, qeveria ka nisur një skenar të qartë për të eliminuar ' dëshmitarin X'. "Që pas publikimit të provave, Rama dhe Xhafaj në bashkëpunim me prokurorinë, në bashkëpunim me struktura kriminale kanë vënë në lëvizje një skenar kriminal: 1- Moho përgjimin. 2 - Kap, josh ose likuido dëshmitarin dhe familjen e tij. 3 - Shkatërro provat. 4 - Kërcëno opozitën. Ky skenar ka dy qëllime. Qëllimi i parë mbrojta e Agron Xahfajt. Qëllimi i dytë është shpëtimi i Fatmir Xahfajt nga krimi i vëllait të tij, duke mos e larguar nga posti i ministrit. Agron Xhafaj nuk është ndaluar nga policia kufitare. Ai u përcoll për në Itali pasi qëllimi është për të krijuar alibi se pse nuk e arrestojnë dot dhe nuk e procedojnë dot për trafikuan aktual të drogës. Policia e Xhafajt dhe prokuroria po ushtrojnë terror ndaj familjarit X. Presion dhe terror po ushtrojnë edhe figurat e krimit të organizuar dhe ushtarë e bashkëpunëtorë të Xhafajt. Qëllimi është komprometimi dhe shkatërrimi i prevave ndaj Agron Xhafajt", - tha Basha.
SEANCA
Ministri i Brendshëm nuk ishte në seancën e djeshme plenare, kur kreu i opozitës, Lulzim Basha akuzoi se po i bën terror përmes policisë ' dëshmitarit X', si dëshmi e origjinalitetit të audiopërgjimit të publikuar nga PD. Jo pak i ashpër ishte në akuzat e tij edhe në adresë të kryeprokurores Arta Marku,
të cilën nuk hezitoi ta etiketojë sërish si kamikaze të kryeministrit Rama. "Prokuroria e ka për detyrë të hapë hetimin. Kamikazet Marku e Prela nuk veprojnë. Agron Xhafaj përmes Fatmir Xhafajt ka emëruar drejtorët e policisë nga Ard Veliu në shefat e Vlorës. Fatmir Xhafaj ka vendosur në krye të Prokurorisë së Krimeve të rënda, dhe jo rastësisht u bë ditën kur u bë denoncimi i Xhafajt. Deri
dje ishte Fatmir Xhafaj që mbronte Agron Xhafajn dhe që dje vëllai i tij mafioz mbron Fatmir Xhafajn. Agron Xhafaj nuk duhej të lejohej të largohej", theksoi z. Basha. Fjalimi i gjatë dhe jashtë rendit të ditës i kushtoi mbylljen e mikrofonit nga kryeparlamentari Ruçi, që e cilësoi një skenar të paramenduar bllokimin e seancës nga ana e opozitës. "Nëse ju doni të vijoni me mesazhin tuaj për "E paralajmëroj Ramën dhe Xhafajn se për çdo hap që do të ndërmarrë për të rrëmbyer, terrorizuar dhe vënë nën presion Albert Veliun dhe familjarët e tij, do të marrin përgjigjen më të ashpër nga PD, opozita dhe populli. I paralajmëroj të dy, para të gjithë shqiptarëve, larg duart nga presioni dhe terrori shtetëror, ndaj
t'i thënë Sofjes se këtu s'ka normalitet, s'është lajm i mirë, por do keni përgjegjësitë tuaja", - theksoi z. Basha. Dy herë u ndërpre seanca, por Luzlzim Basha komunikimin e vijoi edhe këtë të enjte nga "Facebook"- u i tij. Të tjera fakte paralajmëroi, ndërsa Edi Ramën e provokoi me shprehjen e tij, që nuk ua kursen demokratëve çdo të enjte nga salla e parlamentit. "Faktet për të nuk do të
vonojnë, por sot është dita të dëgjoni përsëri, me zë dhe me figurë, faktet e pakundërshtueshme se jo vetëm që audiopërgjimi është autentik, e nuk mund ta ekspertojë këtë vila e Surrelit, por edhe pse dëshmitë, faktet për rolin e Agron Xhafajt si koka e krimit të organizuar janë të plota dhe të thella. Ajo që keni parë dje dhe pardje është vetëm maja e ajsbergut, edhe ajo që do të shikoni sot është akoma mbi
ujë. Nuk doja kurrë ta thosha edhe unë këtë, por fjalët në gjuhën shqipe kaq janë: Edi Rama, Fatmir Xhafaj nuk keni parë asgjë akoma", tha kreu i PD- së. Ministri i Brendshëm erdhi në seancë pas largimit të opozitës, por nuk iu përgjigj akuzave të saj. Sqarimet për to, ai i dha një ditë më parë, në një konference për shtyp, teksa i quajti sajesa me qëllim shantazhimin e tij.