Berisha: Rama, kalbësirë që po qelb Shqipërinë dhe Ballkanin
“Dëshmia e Albert Veliut, me fuqi nukleare”
Ish-
kryeministri Sali Berisha teksa e cilësoi akt terrorist presionin ndaj ' dëshmitarit X' dhe ftoi dje shqiptarët të ngrihen për të rrëzuar qeverinë. "Harron ky faqezi se zinxhiri i dëshmitarëve është i pafund dhe provat janë autentike. Nuk mbetet gjë tjetër veçse shqiptarët që ky i mashtroi në mënyrë më të paskrupullt ta krehin nga zyra dhe ta hedhin në Lanë si një kalbësirë që po qelb Shqipërinë dhe Ballkanin", deklaroi z. Berisha. Një dëshmi tronditëse me fuqi nukleare e cilësoi ish- kryeministri dëshminë e Albert Veliut, personi i quajtur ndryshe "bashkëpunëtori X" në audio- përgjimin ku përfshi- het edhe Agron Xhafaj. Berisha shprehet se pas kësaj dëshmie, kryeministri Edi Rama ka ikur para kohe nga Samiti i Sofjes, ndërsa ministri i Brendshëm Fatmir Xhafaj ka mbyllur telefonin. "Dëshmi me fuqi tronditëse nukleare e dëshmitarit Albert Veliu! Rama ikën para kohe faqenxirë nga samiti i Sofjes, Xhafaj mbyll telefonin dhe zhduket si mi! Të dashur miq, dëshmia me fuqi nukle- are e dëshmitarit Albert Veliu ishte një goditje vdekjeprurëse për vete kryekumbar Ramën dhe kumbar Xhafajn. Ata, pasi heshtën 7 ditë me radhë dhe në vend që ta arrestonin, nisën dje në mëngjes forcërisht për në Itali Geron/ Agron Xhafën, deklaruan se incizimi i bisedës së këtij të fundit për trafiqe me dëshmitarin ishte e montuar. Ky mashtrim i turpshëm si dhe pengmarrja e dëshmitarit, që nxori në shesh fytyrën e vërtet mafioze të klaneve RamaXhafa janë një kushtrim për çdo shqiptar për të shporrur e përmbysur me një furtunë të përgjithshme popullore pushtetin e kryefamiljes mafioze të Shqipërisë dhe Europës", tha z. Berisha.