Çështja "Tahiri", avokati kërkon lirimin, prokuroria këmbëngul për arrest me burg
Besim Hajdarmataj: Disponojmë fakte që e implikojnë ish- ministrin në grupin kriminal "Habilaj" Maks Haxhia: Apeluam vendimin, nuk kanë prova
Vijon beteja me drejtës inë për ish- ministrin e Brendshëm, Saimir Tahirin. Ditën e djeshme Prokuroria e Krimeve të Rënda dhe pala mbrojtëse e Saimir Tahirit, avokati Maks Haxhia depozituan kërkesën për të apeluar masën e sigurisë "arrest shtëpie" të dhënë nga Gjykata e Shkallës së Parë të Krimeve të Rënda. Haxhia kërkon rrëzimin e vendimit të dhënë të shtunën e kaluar ndaj Tahirit, me pretendimin se prokurorët nuk kanë sjellë asnjë provë të re, duke kërkuar heqjen e arrestit dhe hetimin në gjendje të lirë për ish- ministrin. Nga ana tjetër, organi i akuzës depozitoi në Apel kërkesën për caktimin e masës arrest me burg për ish- zyrtarin e lartë. Sakaq, kërkesa pritet të shqyrtohet brenda 10 ditëve. Mbi Tahirin rëndojnë akuzat për trafik të lëndëve narkotike në kuadër të grupit të strukturuar kriminal dhe korrupsionit të zyrtarëve të lartë.
HETIMI
Pas dyshimeve për marrje ryshfeti dhe përfshirje në një rrjet të trafikut të drogës, ditën e shtunë Gjykata e Krimeve të Rënda caktoi masën e sigurisë "arrest shtëpie" për ish- ministrin e Brendshëm, Saimir Tahirin. Prokurorët kërkuan që ndaj Tahirit të vendoset masa "arrest me burg" deri në përfundim të hetimeve, por me vendim gjykate, kjo kërkesë u rrezua. Gjatë seancës së të martës, ku Tahiri u paraqit pranë Gjykatës së Krimeve të Rënda për verifikimin e masës së sigurisë "arrest shtëpie", avokati mbrojtës i tij, Maks Haxhia i kërkoi trupës gjykuese që ta lërë të lirë ish- ministrin, pasi nuk ka prova që vërtetojnë se ai është përfshirë në trafik droge. Nga ana tjetër, prokurori i çështjes "Tahiri", Besim Hajdarmataj kërkoi shtrëngimin e masës për ish- ministrin e Brendshëm, Saimir Tahiri, por jo vetëm. Hajdarmataj hodhi dyshime të forta edhe për një përgjim të mundshëm të prokurorëve nga ish- ministri, apo njerëz të lidhur më të, duke thënë se Tahiri informohet paraprakisht për provat që prokuroria disponon. "Para se të jenë provat në tavolinën e punës sime, ato janë në duart e Saimir Tahirit. Ai ndërhyn dhe merr vesh para meje se kë do thërras nesër dëshmitar", - është shprehur Hajdarmataj. Ndërkohë, gjatë seancës ish- ministri i Brendshëm, replikoi me prokurorët, madje ai i ka akuzuar këto të fundit se kanë abuzuar me faktet, duke shkruar gënjeshtra. Prokurori i çështjes, Besim Hajdarmataj, tha se do i drej- tohen Gjykatës së Apelit me kërkesën për arrestimin e Tahirit, për të cilin disponojnë prova që e implikojnë në grupin kriminal të drejtuar nga Moisi Habilaj. Gjatë seancës, ish- ministri replikoi me gjykatësen duke u shprehur se për të ishte e njëjta gjë si masa arrest me burg, ashtu edhe arrest shtëpie. "Për mua është njësoj si arresti me burg, si arresti i shtëpisë. Unë nuk kam ndërmend të largohem nga vendi. Këtu do jem për të pritur drejtësinë", - ka thënë ish- ministri. Kujtojmë se pas caktimit të masës "arrest shtëpie" për Tahirin, Ambasada e SHBA në Shqipëri përshëndeti vendimin, duke thënë në një deklaratë se, "ky rast i rëndësishëm korrupsioni do të vendoset në mënyrë të drejtë dhe transparente në gjykatë". Pala mbrojtëse e Saimir Tahirit, avokati Maks Haxhia depozitoi ditën e djeshme kërkesën për të apeluar masën e sigurisë "arrest shtëpie" të dhënë nga Gjykata e Shkallës së Parë të Krimeve të Rënda. Haxhia kërkon rrëzimin e vendimit të dhënë të shtunën e kaluar ndaj Tahirit, me pretendimin se prokurorët nuk kanë sjellë asnjë provë të re, duke kërkuar heqjen e arrestit dhe hetimin në gjendje të lirë për ish- ministrin e Brendshëm. Kërkesa pritet të shqyrtohet brenda 10 ditëve. Organi i akuzës depozitoi ditën e djeshme në Apel kërkesën për caktimin e masës "arrest me burg" për ish- zyrtarin e lartë, Saimir Tahirin. Sipas prokurorit të çështjes, Besim Hajdarmataj, ndaj ishministrit disponohen prova që e implikojnë në grupin kriminal të drejtuar nga Moisi Habilaj. Më herët Hajdarmataj hodhi dyshime të forta edhe për një përgjim të mundshëm të prokurorëve nga ishministri, apo njerëz të lidhur më të, duke thënë se Tahiri informohet paraprakisht për provat që prokuroria disponon.
Prokuroria e Krimeve të Rënda ka ngritur dy akuza ndaj Saimir Tahirit, "Trafikimin e narkotikëve" të kryer në bashkëpunim, në formë të posaçme të grupit të strukturuar kriminal, si edhe "Korrupsionin pasiv të funksionarëve të lartë shtetërorë".