Samiti BE- Ballkani Perëndimor, Thaçi: Asnjë nga palët s'do të fitojë
Mogherini bën të mundur takimin e krerëve të Serbisë e Kosovës në Sofje Vuçiç: Askush s'po e kërcënon vendin tim e as mua
Ditën e djeshme në Sofje të Bullgarisë është zh villuar samiti BE- Ballkani Perëndimor. Pritet që BE t'u japë një shtytje proceseve integruese, por samitin e ka komplikuar refuzimi i Spanjës që të ulet në një tavolinë me krerët e Kosovës. Kosova po prezantohet në këtë samit nga presidenti i vendit, Hashim Thaçi, kryeministri Ramush Haradinaj dhe ministri i Jashtëm Behgjet Pacolli, ndërsa delegacionin e Shqipërisë e prin kryeministri Edi Rama. Vëmendjen kryesore e ka zgjuar raporti mes Kosovës dhe Serbisë si dhe refuzimi i kryeministrit të Spanjës, Rajoy, që të ulet në një tavolinë me krerët e Kosovës. Presidenti Hashim Thaçi është takuar dje në Sofje me ndërmjetësimin e përfaqësueses së BE, Federica Mogherini me presidentin e Serbisë, Aleksandar Vuçiç.
INSISTIMET PËR MARRËVESHJE TË SHPEJTË
Autoritetet ndërkombëtare evropiane, por edhe amerikane kanë intensifikuar kohët e fundit angazhimet për një marrëveshje të shpejtë për normalizimin e raporteve mes Kosovës dhe Serbisë. Presidenti Vuçiç dhe ai Thaçi flasin se marrëveshja përfundimtare do të jetë e "dhimbshme për të dyja palët", pra për Kosovën dhe Serbinë, por asnjëri prej tyre ende nuk e ka konfirmuar se cilat janë kërkesat konkrete të autoriteteve ndërkombëtare dhe cilat janë ato elemente të dhimbshme me të cilat do të përballen palët. Presidenti Thaçi tha se Kosova do të paraqitet në këtë samit e barabartë me shtetet e tjera pjesëmarrëse. Por, për shkak të Kosovës do të përdoret modeli ' Gimnih', sipas të cilit pjesëmarrësit nuk do të kenë simbole të shtetit. Kështu të paktën kanë paralajmëruar organizatorët, pra Bullgaria si kryesuese e radhës e KE, por edhe autoritetet e tjera, të cilat kanë përgatitur draftin e deklaratës përfundimtare. Në këtë deklaratë thuhet se të gjitha 28 vendet e tanishme të BE, pra edhe Britania e Madhe, e mbështesin perspektivën evropiane të Ballkanit Perëndimor. Por mësohet se në dokument evitohet të përmendet anëtarësimi i këtyre vendeve në BE apo zgjerimi i BE- së. Dokumenti përfundimtar ku flitet për ndërlidhje dhe partneritet duhet të miratohet në fund të samitit. Merret vesh se edhe Spanja do të mbështetë dokumentin, ndonëse nuk do të ketë përfaqësuesit e saj në takim.
FALËNDERIMET PËR BORISOVIN
Presidenti i Kosovës, Hashim Thaçi ka falënderuar jo vetëm autoritetet evropiane, por edhe kryeministrin e Bullgarisë, Boiko Borisov për përkushtimin e tij që Kosova të marrë pjesë në këtë samit, njëjtë sikur shtetet e tjera të Ballkanit Perëndimor. "Me këtë pjesëmarrje Kosova "Askush nuk po e kërcënon Serbinë e as mua. Ka pasur presion ndaj Serbisë për pesë vite, sepse Perëndimi po e dëshiron pavarësinë e Kosovës. Ne nuk e duam. A na obligon kjo? Jo. A është pozita jonë e lehtë? Jo. Nëse do të pranoja diçka që do t'i përshtatej opinionit serb, do të dilja para popullit, por kam pranuar vetëm shenja", tha Vuçiç.
e fuqizon subjektivitetin e vet evropian", thotë Thaçi. Refuzimin e pjesëmarrjes së Spanjës në samit, ai e sheh si pa-
sojë të çështjeve të brendshme të pazgjidhura në këtë vend. Ndërsa sa u përket raporteve me Serbinë, ai tha se pret që këto të zgjidhen brenda "nëntë muajve, kur mund të arrihet një marrëveshje historike". Por ky
moment kërkon, sipas tij, një mobilizim të të gjitha forcave politike për gjetjen e zgjidhjes më të mirë për Kosovën.
Presidenti i Serbisë tha se vendi i tij është nën presion, por askush nuk mund ta cenojë atë. "Askush nuk po e kërcënon Serbinë e as mua. Ka pasur presion ndaj Ser-
bisë për pesë vite, sepse Perëndimi po e dëshiron pavarësinë e Kosovës. Ne nuk e duam. A na obligon kjo? Jo. A është pozita jonë e lehtë? Jo. Nëse do të pranoja diçka që do t'i përshtatej opinionit serb, do të dilja para popullit, por kam pranuar vetëm shenja", tha Vuçiç. "Ne kemi një plan të caktuar, por nuk jam i kënaqur me detaje të caktuara. Jemi në kërkim të një zgjidhjeje kompromisi që kërkon marrjen në konsideratë të interesave të serbëve në Kosovë, por edhe të Republikës së Kosovës", ka përfunduar ai.
VAZHDIMI I DIALOGUT
Në takimin e mbajtur me ndërmjetësimin e Mogh-
erinit, presidentët Thaçi dhe Vuçiç kanë rënë dakord që të vazhdojnë dialogun, të cilin kërkojnë shtetet e BE por edhe SHBA. Ky dialog po futet në fazën përfundimtare, kur palët duhet të nënshkruajnë edhe një marrëveshje të obligueshme juridike, për normalizimin e raporteve. Presidenti i Serbisë, Vuçiç ka përsëritur shumë herë kohët e fundit se Serbia nuk mund të jetë humbësi i vetëm i këtij dialogu dhe se ai do të insistojë në mbrojtjen e interesave të shtetit të tij. Ndërkohë që edhe Thaçi tha se "procesi nuk do të jetë i lehtë për Kosovën, por as për Serbinë" dhe se "nuk do të ketë fitore 100% për askënd".