Ministri austriak, Xhafajt: Do mbrojmë kufijtë tanë, nëse kemi situata si në 2015
Ministri
Xhafaj pati dje, një bisedë telefonike me ministrin e Brendshëm të Austrisë për çështjen e migrantëve nga vendet e treta. Rritja e numrit të migrantëve nga vendet e treta, të cilët kalojnë përmes vendeve të Ballkanit drejt vendeve të BE- së, ishte fokusi kryesor i bisedës. Ministri Xhafaj duke vlerësuar këtë shqetësim, e njohu homologun austriak me masat e shtuara të Policisë së Shtetit, për menaxhimin dhe përballjen e kësaj situate, veçanërisht përgjatë vijës kufitare me Greqinë, thuhet në njoftimin e ministrisë së Brendshme. "Pavarësisht masave të shtuara, vihet re një numër në rritje i migrantëve që depërtojnë përgjatë kufirit me shtetin grek. Një pjesë e tyre kërkojnë azil, një pjesë sistemohen në Qendrat e Përkohshme të Pritjes, por qëllimi i tyre final mbetet rrugëtimi në vendet e BE- së. Ministri Xhafaj e informoi homologun Kickl se Shqipëria do të bëjë të gjitha përpjekjet për të parandaluar këtë fenomen, me gjithë burimet e pakta në dispozicion. Në këtë kontekst, nënshkrimi sa më shpejt i marrëveshjes së dakordësuar tashmë me FRONTEX, do të ketë një ndikim të posaçëm", vijon njoftimi. Ministri Kickl, duke vlerësuar përpjekjet e palës shqiptare, e falënderoi ministrin Xhafaj për prezantimin e situatës dhe sugjeroi që këto çështje të jenë në rendin e ditës, në takimin rajonal që mbahet në Brdo të Sllovenisë, në fillim të qershorit. Ai sugjeroi që të vijojnë takimet në nivel operacional, për një qasje të koordinuar mes shteteve për këtë situatë, veçanërisht sa i takon luftës kundër kontrabandistëve të personave, për të shmangur një situatë si ajo e vitit 2015. Nëse do të ndodhemi në një situatë të ngjashme, - u shpreh ai, - qeveria austriake është e vendosur të mbrojë kufijtë e saj dhe të shteteve të tjera. Në këtë aspekt, ministri austriak theksoi nevojën e veprimeve të mirë- koordinuara mes shteteve. Ministri Xhafaj kërkoi që BE- ja të konsiderojë një paketë financiare, të domosdoshme për të mbështetur menaxhimin e kufijve në Ballkanin Perëndimor.
trin kemi folur edhe për çfarë janë pritshmëritë tona nga Presidenca austriake e Bashkimit Europian në 6 muajt e ardhshëm dhe dëshirojmë që
të bashkëpunojmë për të shtyrë më tutje projektin tonë, të lancuar nga unë dhe presidenti i sotëm i Serbisë, kryeministri i djeshëm, Aleksandër Vuçiç, për tregun e përbashkët në Ballkanin Perëndimor, gjë për të cilën jam falënderues që kryeministri ka shprehur interesin dhe mbështetjen e tij",- tha Rama. Sa i përket imigrantëve, Rama tha se, "Kemi një fluks që rritet në mënyrë shqetësuese, por që për momentin ka qenë tërësisht i kontrolluar prej nesh, ama na duhet një bashkëpunim i ngushtë dhe i menjëhershëm për të shmangur rishfaqjen e skenave që shqetësuan, madje tronditën Europën në vitin 2015. Kemi dakordësi të plotë për një bashkëpunim të ngushtë me Austrinë dhe patjetër, edhe me vendet e tjera të interesuara për këtë proces". "Për sa i përket negociatave Shqipëria e meriton",- u shpreh Rama. I pyetur nga gazetarët nëse do të mundet Shqipëria të çelë negociatat gjatë presidencës austriake që nis në korrik, Kurz tha: "Do ta shohim këtë gjë. Nuk mund t'ju jap një përgjigje, apo siguri për këtë. Siç e tha dhe kryeministri, ka disa shtete anëtare të Bashkimit Europian, të cilët për shkak të problemeve, apo çështjeve të tyre të brendshme, e kanë të vështirë të marrin këtë vendim, pra, të thonë po. Megjithatë ka një dëshirë të fortë në Shqipëri, që të shkojë drejt rrugës së reformave. Shqipëria ka bërë shumë në rrugën e integrimit europian në vitet e kaluara dhe negociatat e pranimit janë drejt një rruge të mirë. Ka një mundësi të mirë që të shkojmë në rrugën e reformave. Megjithatë nuk e di se kur do të merret ky vendim".