Adriatik Llalla i shpëton vetingut, Kolegji i Apelimit: Dorëheqja, konform ligjit
Avokati, Sokol Hazizaj: Ligji fitoi dhe reforma në drejtësi dha suksesin e parë "Do të qëndrojë 15 vjet jashtë sistemit të drejtësisë"
Kolegji i Posaçëm i Apelimit me shu micë votash vendosi ndërprerjen e procesit të rivlerësimit për Adriatik Llallën". Ky ishte vendimi i marrë nga KPA ditën e djeshme, ndaj ish- prokurorit të përgjithshëm, pas ankimit të bërë nga Komisioneri Publik, i cili kundërshtonte ndërprerjen e vetingut për Adriatik Llallën. KPA e cilësoi të drejtë vendimin e Komisionit të Pavarur të Kualifikimit, në këtë mënyrë merr fund rrugëtimi i Llallës në sistemin e drejtësisë, larg të cilit duhet të qëndrojë për 15 vjetët e ardhshëm. "Janë përmbushur elementet e dorëheqjes nga detyra, pasi është zbatuar një prej rrugëve procedurale të legjislacionit në fuqi. Kolegji çmon se vendimmarrja e Komisionit të Pavarur të Kualifikimit ka qenë e drejtë dhe duhet konfirmuar. Kolegji me shumicë votash vendosi ndryshimin e vendimit: ndërprerjen e procesit të rivlerësimit për Adriatik Llallën. Ndalimin e emërimit të tij, gjyqtar, prokuror apo anëtar i KLDsë për një periudhë prej 15 vitesh"- thuhet ndër të tjera në vendimin e KPA. Konkretisht trupa gjykuese kryesohej nga Sokol Çomo, relator Luan Daci, anëtarë Albana Shtylla, Artan Hajdari dhe ish- kryeprokurorja Ina Rama. Me shumicë, vendosën 5 kundra kërkesës së Komisionerit Publik, dhe pro kërkesës së Llallës duke lënë në fuqi vendimin e Komisionit të Pavarur të Kualifikimit datë 16 shkurt 2018 për ndërprerjen e vetingut. Ish- kryeprokurori Adriatik Llalla nuk mori pjesë në dy seancat e kaluara si dhe në seancën e djeshme, ndërsa u përfaqësua nga avokati Sokol Hazizaj. Mbrojtësi i Llallës tha se me vendimin e KPA ka fituar ligji dhe se reforma në drejtësi dha suksesin e pare. Sipas tij Llalla ka zbatuar procedurat ligjore për dorëheqjen dhe se nuk ka informacion zyrtar nëse ndaj tij do ketë hetim penal. "Ligji fitoi dhe reforma në drejtësi dha suksesin e parë. KPA dha vendimin e drejtë për Adriatik Llallën, i cili zbatoi procedurat ligjore për dorëheqjen. Për hetimin penal nuk kam informacion zyrtar, ndërsa për vendndodhjen e Llallës nuk mund të flas"- ka thënë Sokol Hazizaj. Kujtojmë se në seancën e shkuar Komisioneri Publik, Florian Ballhysa tha se Adriatik Llalla si magjistrat nuk ka ndjekur procedurën ligjore të dorëheqjes. Ballhysa tha se megjithëse Llalla ka lënë detyrën në dhjetorin e vitit të kaluar, ai nuk është larguar si magjistrat dhe si i tillë duhet të kalojë në filtrat e verifikimit të pasurisë dhe figurës. "Llalla e gëzon ende statusin e magjistratit për shkak se është ish- kryeprokuror. Ai nuk e ka dhënë dorëheqjen në formën e kërkuar"- tha Ballhysa. Por pas vendimit të Kolegjit, çështja ' Llalla' mund të konsiderohet një kapitull i mbyllur në institucionet e shtetit shqiptar. Gjykata e Strasburgut është hallka e fundit, ku mund të trokasë Komisioneri Publik, nëse nuk është dakord me shkallën e dytë të vetingut.
PËRPLASJA LLALLA- LU
Ndërkohë kujtojmë se Adriatik Llalla po hetohet nga prokuroria e Krimeve e Rënda për disa vepra penale; "Refuzimit për deklarim, mosdeklarimit, fshehjes ose deklarimi i rremë i pasurisë, interesave private të zgjedhur dhe nëpunësve publikë ose i çdo personi tjetër që ka detyrimin ligjor për deklarim", "Mosdeklarimit të shumave të të hollave në kufi", "Pastrimit të produkteve të veprës penale" dhe "Shpërdorimit të detyrës". Në vitin e fundit të mandatit të tij, Llalla pati konflikt të hapur me ambasadorin e SHBA në Tiranë Donald Lu. Konkretisht akuza e pastrimit të parave, e cila rëndon mbi Llallën, u paralajmërua nga Departamenti Amerikan i Shtetit. Prej kohësh ambasadori amerikan Donald Lu ka mbajtur një qëndrim të ashpër dhe kritikues ndaj Adriatik Llallës, të cilin e ka akuzuar publikisht si personi që ka dashur të pengojë reformën në drejtësi. Por akuzat kaluan në një tjetër nivel dhe nuk mbetën në vetëm ne kuadrin e personit anti- reformë. Ato u formësuan pas vendimit të Departamentit Amerikan të Shtetit, i cili e shpalli non grata Adriatik Llallën, si person i përfshirë në afera të mëdha korruptive. Përplasjet vijuan pas publikimit të letrës që Adriatik "Janë përmbushur elementët e dorëheqjes nga detyra, pasi është zbatuar një prej rrugëve procedurale të legjislacionit në fuqi. Kolegji vendosi ndryshimin e vendimit: ndërprerjen e procesit të rivlerësimit për Adriatik Llallën. Ndalimin e emërimit të tij, gjyqtar, prokuror apo anëtar i KLD- së për një periudhë prej 15 vitesh", - thuhet në vendimin e KPA.
Avokati "Ligji fitoi dhe reforma në drejtësi dha suksesin e parë. KPA dha vendimin e drejtë për Adriatik Llallën, i cili zbatoi procedurat ligjore për dorëheqjen. Për hetimin penal nuk kam informacion zyrtar, ndërsa për vendndodhjen e Llallës nuk mund të flas", - ka thënë avokati Sokol Hazizaj.
Llalla, gjatë kohës kur ishte kryeprokuror i kishte drejtuar Kongresit Amerikan. Ndër të tjera ai akuzonte ambasadorin Lu se i kishte kërkuar nominalisht, arrestimin e Ilir Metës. I menjëhershëm ishte dhe reagimi i ambasadorit të Shteteve të Bashkuara ne Tirane, i cili i cilësoi si gënjeshtra këto pretendime me argumentin se Adriatik Llalla i trembet arrestimit për korrupsion. Por debati Lllalla- Lu nuk u mbyll me kaq. Me anë të një deklarate për mediat, ishkryeprokurori lëshoi serish akuza ndaj diplomatit amerikan, duke u shprehur se ai ka marrë rolin e prokurorit, gjykatësit dhe të jurisë, duke e shpallur atë si fajtor për korrupsion, në kohën kur, sipas vetë Llallës, ndaj tij nuk ka asnjë provë. Lllalla kërkoi nga Lu që të heqë dorë menjëherë nga abuzimi me pushtetin dhe ndërhyrjen në punët e sistemit të drejtësisë shqiptare.