Gjiknuri: Përfundon brenda qershorit, ndërhyrje edhe në rrugë të tjera
Nis riparimi në Tiranë- Durrës
Ka
nisur këtë të hënë ashtu sikurse ishte paralajmëruar ndërhyrja në autostradën TiranëDurrës për të kryer riparimet ne shtresën e asfaltit të rrugës. Ministri për Infrastrukturën dhe Energjinë Damian Gjiknuri dhe Drejtori i Përgjithshëm i Autoritetit Rrugor Shqiptar Afrim Qendro ndoqën nga afër punimet duke deklaruar se ato përfundojnë brenda qershorit. "Brenda qershorit përfundoje punimet në këtë rrugë. Synohet që të përmirësohet si pjesa e sigurisë ashtu edhe sinjalistikës dhe kalueshmërisë. Duhet të kuptojmë që ky nuk është një rehabilitim. Ne e bëmë gati projektin e rehabilitimit, por Banka Botërore nuk e miratoi. ARRSH po e përpunon sërish dhe po mundohemi që të gjejmë fondet" tha Qendro. Ministri Gjiknuri nga ana tjetër u shpreh se kontra- ta e mirëmbajtës e dakordësuar me Bankën Botërore që përfshin 1335 kilometra rrugë në gjithë vendin ka pasur probleme të trashëguara dhe gjatë këtyre muajve fokusi ka qenë tek zgjidhja e ngërçeve kontraktuale që po çonin këtë proces në dështim. "Jemi në fazën kur ka kaluar kjo pjesë dhe ky projekt do funksionojë në mënyre intensive. Në vijim në gjithë akset kryesorë që janë pjesë e kësaj kontrate do të ketë ndërhyrje serioze sa i përket mirëm- bajtjes normale. Dua që të na mirëkuptojnë qytetarët pasi jemi të ndërgjegjshëm që do krijohen probleme me trafikun, por ndërhyrjet janë të domosdoshme. Janë marrë masa që të punohet 24 orë dhe që brenda qershorit kjo rrugë të jetë tërësisht e riparuar dhe e hapur për trafikun. Qytetarët që duan të shkojnë në Jug të marrin rrugën e Elbasanit dhe të shkojnë nga Rrogozhina kurse pjesa tjetër të ndjekin udhëzimet",- tha Gjiknuri. Të shtunën e kaluar ARRSH
dhe Policia e Shtetit deklaruan se do të bëhet ndërhyrje emergjente në autostradën Tiranë- Durrës dhe për këtë është hartuar një plan operacional i ndërhyrjes dhe devijimit të trafikut për të shmangur bllokimin e qarkullimit dhe garantuar mbarëvajtjen e punës në terren. "Gjatë ditës së hënë dhe të martë do të bllokohet dhe kryhet ndërhyrja në segmentin e parë nga Qafë Kashari në drejtim të Vorës. ARRSH dhe Policia Rrugore u kërkojnë drej-
tuesve të mjeteve sa vijon: Lëvizja e mjeteve të rënda në drejtim të veriut duhet të bëhet përmes Kamzës nga rreth rrotullimi Casa Italia. Autoveturat që shkojnë në drejtim të Durrësit do të përdorin daljen tek pika e furnizimit Kastrati dhe mbikalimin për Kashar në drejtim të Vorës. Drejtuesit e mjeteve që kanë si destinacion jugun, duhet të përdorin drejtimin nga Elbasani si dhe kthimin për Tiranë të përdorin sërish drejtimin nga Elbasani.