ATP/ Kompensimi i pronave, 2076 vendime për vitet 1999 dhe 2000
Publikohet edhe lista me vendimet e reja për vitet 1993 deri në vitin 1998 Agjencia e Trajtimit të Pronave: Ja kujt i është njohur e drejta
Agjencia e Trajtimit të Pronave ka pub likuar dje regjistrin e vendimeve për individët që u është njohur e drejta për kompensimin e pronave për vitet 1999 dhe 2000. Lista për vitin 1999 përmban 1239 emra, ndërsa ajo e vitit 2000 përmban 837 emra. Janë në total 2076 pronarë për të cilët është njohur e drejta e kompensimit dhe vlerësimi financiar për çdo pronë. Agjencia e Trajtimit të Pronave ka publikuar edhe regjistrin e përditësuar të vendimeve, të cilat kanë njohur të drejtën për kompensim dhe të vlerësimeve për vitet 1993- 1998. Pronarët që kanë një vendim mund të përfitojnë edhe nga pagesat e përshpejtuara. Pronarët duhet të paraqiten në ATP të plotësojnë formularin tip dhe të zgjedhin një nga tri afatet që parashikon ligji, pagesë brenda vitit, brenda 3 vjetëve ose brenda 5 vjetëve. "Gazeta Shqiptare" publikon formularët që mund të plotësohen për të përfituar nga përparësitë që jep ligji i ri për marrë kompensimin me procedurë të përshpejtuar apo për të marrë pjesë në ankande.
TRI AFATET
Janë vendosur tri afate pagesash të përshpejtuara. Pagesë brenda një viti, brenda tre vjetësh dhe brenda pesë vjetësh. Për secilin variant në një VKM të posaçëm është përcaktuar edhe përqindja e pagesës. Për pagesën brenda një viti pronari merr 20% të vlerës së faturës, për pagesën brenda tri viteve merr 30% dhe brenda pesë viteve merr 40% të vlerës së kompensimit dhe heq dorë nga pjesa tjetër e kësaj vlere. Të gjitha subjektet që kanë një vendim përfundimtar kompensimi, pavarësisht rendit kronologjik të tij dhe llojit të zërit kadastral të pronës së vlerësuar, kanë të drejtë të aplikojnë pranë ATP- së me kërkesë të veçantë, ku shprehin vullnetin për t'u kompensuar financiarisht. Kërkesat e veçanta për kompensim financiar do të trajtohen sipas kësaj procedure: nga çdo fond vjetor buxhetor i kompensimit financiar, jo më shumë se 1/ 3 e tij mund të përdoret për kërkesat e veçanta të kompensimit financiar, të gjitha subjektet kërkuese që shprehin vullnetin për t'u kompensuar financiarisht me kërkesë të veçantë duhet të aplikojnë pranë ATP- së brenda vitit të çeljes së fondit vjetor buxhe- tor të kompensimit financiar. Pas aplikimit për kompensim financiar me kërkesë të veçantë, ATP- ja përgatit vlerësimin financiar të pronës, pavarësisht rendit kronologjik të vendimit dhe në rastin e disa aplikimeve për kompensim me kërkesë të veçantë do të zbatohet rendi kronologjik i datës së vendimeve për këto aplikime.