Sot samiti Trump- Kim, drejtuesit shfaqin optimizëm

Kreu i SHBA- ve mbërrin në Singapor, pritshmëritë e takimit historik Dimensioni ushtarak i Koreve, marrëdhëniet ndër vite

Meqenëse nga Koreja e Veriut nuk ka informacione të plota dhe të besueshme, ajo nuk përfshihet në indeks, por mund të supozohet se edhe aty ka "një shkallë të lartë militarizimi", ´ tha për DW- në Marius Bales nga BICC. "Kjo është e qartë, kur nga 24 milionë banorë 1.2 milionë shërbejnë në ushtri". Kujtojmë, gjithashtu, se pas dy Koreve të armatosura në maksimum gjenden partnerë aleancash, që, gjithashtu, janë rivalë mes tyre. Marrëdhëniet mes Koresë së Jugut dhe SHBA- së u sanksionuan në vitin 1953 edhe me një aleancë ushtarake. Në vitin 1961 Koreja e Veriut nënshkroi një traktat miqësie me Kinën dhe Rusinë, i cili përfshin edhe ndihmë të ndërsjellë ushtarake dhe ekonomike. Rusia e anuloi paktin e ndihmës ushtarake, me Kinën, ajo është ende në fuqi. Japonia, e cila, gjithashtu, ndjehet e kërcënuar nga Koreja e Veriut, luan një rol të veçantë, sepse nga njëra anë është aleat i ngushtë me SHBA- në, por nga e kaluara ka me Korenë e Jugut një marrëdhënie të tensionuar nga e kaluara koloniale dhe Luf- ta e Dytë Botërore. Sa u përket armëve si Koreja e Jugut edhe ajo e Veriut kanë shumë tanke dhe armë artilerie. Kjo tregon se ushtritë e tyre janë të përgatitura për luftime të mëdha fushore në kufijtë e tyre. Koreja e Veriut ka edhe një numër të madh nëndetësesh, të cilat i përdor si potencial frikësues. Megjithatë, në rast se në një konflikt të mundshëm do të ndërhynte edhe makineria ushtarake e SHBA- së, potenciali ushtarak i dy Koreve duket i parëndësishëm. SHBA- ja, si dhe Kina, kanë raketa me rreze të gjatë veprimi që mund të pajisen edhe me mbushje bërthamore. Koreja e Veriut ka armë bërthamore, por se sa të afta janë ato për t'u përdorur nuk dihet me saktësi. Gjithsesi përparësia e SHBA- së në fushën e armatimit dhe të teknologjisë ndaj Koresë së Veriut është aq e madhe, sa në një rast lufte kjo e fundit s'do të kishte asnjë shans ndaj SHBA- së. Ndërsa pas ardhjes në Singapor nuk ka munguar një reagim i presidentit Trump, i cili në Twitter shkroi se ndihej mirë që ndodhej aty dhe se atmosfera ishte shumë pozitive. Mediave botërore nuk u kanë shpëtuar edhe detaje dytësore nga takimi historik. Bussines Insider shkruan se stafi i Kim Jong- unit ka sjellë në Singapor edhe tualetin personal portabël, të cilin ai e merr me vete në çdo vizitë brenda dhe jashtë vendit nga frika e ndonjë atentati në forma të ndryshme. Gjithashtu, në media thuhet se përveç trenit personal, udhëheqësi komunist ka tualet edhe në limuzinën e tij luksoze ' Mercedes'. Ajo u shfaq sërish para kamerave në Singapor, me truprojat që e shoqëronin me vrap, ashtu si në samitin me presidentin koreano- jugor, në vijën kufitare mes dy Koreve.