Njohja e ushtrisë së Kosovës, Lista Serbe: Lufta me Serbinë nuk ka përfunduar ende
Haradinaj: Do shndërrojmë ushtrinë e Kosovës me ligj
Në
Kosovë vijon ende ngërçi lidhur me formimin e ushtrisë së Kosovës. Ka qenë pikërisht opozita e vendit, e cila ka reaguar duke hedhur poshtë zërat lidhur me pohimet se serbët në Kosovë e mbështesin njohjen e saj. Ata janë shprehur nëpërmjet një komunikate për media se në pamundësi për të siguruar kushte më të mira për jetën për të gjithë qytetarët në Kosovë, përfaqësuesit politikë të shqiptarëve të Kosovës ofrojnë luftë dhe tregime separatiste për qytetarët, shkruan "Tg". "Kështu sot deklaruan se për Prishtinën lufta me serbët nuk ka mbaruar, për çka presim reagim më urgjent të bashkë-
RAMUSH HARADINAJ:
Baza kushtetuese, mandatimi përmes bazës kushtetuese si opsion është gati se i pamundshëm, sepse kërkon votën e 2/ 3 të kualifikuara, do të thotë të serbëve. Duke qenë kështu, është vështirë të kalkulojmë se tani e kemi këtë votë. Në një moment të caktuar do të jemi të detyruar ta mandatojmë ushtrinë e Kosovës me ligj", - theksoi Haradinaj.
sisë ndërkombëtare",- thuhet në komunikatën e Lista Serbe, sipas së cilës deklarimet e tilla janë të rrezikshme për paqen dhe sigurinë në Ballkan. Për më tepër, kjo parti i është kundërvënë edhe njëherë formimit të ushtrisë së Kosovës, pasi sipas saj është në kundërshtim me Rezolutën 1244 dhe marrëveshjen e Kumanovës, por
edhe interesave të sigurisë së popullit serb në Kosovë dhe shtetit serb. Nga ana tjetër, Ramush Haradinaj, kryeministri i Kosovës, është shprehur se shndërrimi i Forcës së Sigurisë së Kosovës në Forca të Armatosura të Kosovës, përmes ndryshimeve kushtetuese është gati i pamundur për shkak të refuzimit të Listës Serbe raporton "Zeri. info". Ai, tha se kjo gjë është e pamundur për faktin që i duhen dy të tretat e votave të Listës Serbe për t'u bërë ndryshimet kushtetuese. "Baza kushtetuese, mandatimi përmes bazës kushtetuese si opsion është gati se i pamundshëm, sepse kërkon votën e 2/ 3 të kualifikuara, do të thotë të serbëve. Duke qenë kështu, është
vështirë të kalkulojmë se tani e kemi këtë votë. Në një moment të caktuar do të jemi të detyruar ta mandatojmë ushtrinë e Kosovës me ligj"- theksoi Haradinaj. Komentet Haradinaj i bëri pas takimit të Këshillit Ministror për Integrim Evropian, ku u diskutua për gjendjen e zbatimit të agjendës për reforma europiane.