Protesta për mbrojtjen e godinës, aktorët lënë afat deri të premten, takojnë Lulëzim Bashën
Artistët, ultimatum qeverisë: Anuloni shembjen e teatrit, ose do e uzurpojmë! "Do e ruajmë me turne, i themi Ramës atë që i tha Robert de Niro Donald Trampit"
rin Kombëtar dhe për të ndërtuar kulla biznesi", tha gjatë ditës së djeshme kryetarja e Komisionit parlamentar të Medias, Albana Vokshi. Ajo i ka quajtur korruptive veprimet e kryeministrit Edi Rama, ministres së Kulturës, Mirela Kumbaro dhe kryetarit të Bashkisë Tiranë, Erion Veliaj, për të shembur Teatrin Kombëtar dhe për ta pushtuar qendrën historike të Tiranës me kullat e sponsorëve, që i mbajnë në pushtet. Deputetja demokrate tha se Rama hartoi një projektligj të posaçëm, që sipas selisë blu, synon të shpëtojë nga hetimi përgjegjësit e atyre që kanë planifikuar shembjen e teatrit dhe ndërtimin e kullave. Gjithashtu, sipas demokratëve "me anë të këtij projektligji, Rama pranon automatikisht projektin e prezantuar nga subjekti privat ' Fusha' sh. p. k., pa iu nënshtruar asnjë procesi konkurrimi apo gare të hapur, pa asnjë procedurë konsultimi me grupet e interesit, apo me qytetarët, edhe pse ai përfshin tjetërsimin e pasurive publike dhe prishjen e Teatrit Kombëtar, që është monument kulture dhe paraqet vlera të veçanta, që mbrohen nga legjislacioni në fuqi".
THIRRJA PËR REZISTENCË
Aleanca për Mbrojtjen e Teatrit ka bërë edhe një thirrje për rezistencë, duke kërkuar mbështetjen e qytetarëve. "Ka mbi 4 muaj që komuniteti i artistëve së bashku me një grup të gjerë intelektualësh dhe qytetarësh ka dalë hapur kundër prishjes së Teatrit Kombëtar. Në çdo komunikim me publikun si edhe me politikanët apo të zgjedhurit, përfshirë ministren e Kulturës, kryetarin e Bashkisë Tiranë dhe kryeministrin e Shqipërisë, si palë të njëanshme vendimmarrëse, kemi artikuluar qartë jo vetëm nevojën e ruajtjes të paprekur të godinës ekzistuese, por edhe domosdoshmërinë e restaurimit të godinës historike të Teatrit Kombëtar, të lënë qëlli- misht në harresë", thuhej në deklaratën e Aleancës. Ajo shtonte se u është shpjeguar të gjithë aktorëve vendimmarrës se pse nuk duhet shembur Teatri Kombëtar për të ndërtuar kulla, se ka vlera arkitekturore, se ka nevojë për teatro të tjerë dhe jo për shembjen e atyre që kemi. "Sa e sa orë, ditë, muaj të shpenzuara pa u lodhur në përpjekjet tona të shumanshme për të bindur këta vendimmarrës të na dëgjojnë,