Frika nga zjarret, Goxhaj: Jemi të përgatitur për çdo lloj situate
Drejtori i Zjarrfikëses: Kemi gati planin e masave për stinën e verës "Nga pakujdesia ose të qëllimshme, zjarret në Tiranë nuk ndodhin vetvetiu"
Tirana nuk mund të preket nga situata katastrofike nga zjarret si Athina. Zjarret në kryeqytet nuk mund të ndodhin vetvetiu. Shkaktohen nga pakujdesia, ose janë të qëllimshme. Ne kemi një plan të detajuar masash". Kështu u shpreh drejtori i Mbrojtjes nga Zjarri dhe Shpëtimi, Bashkia Tiranë, Shkëlqim Goxhaj. Pas situatës tragjike që përfshiu territorin e Athinës në zonat verilindore, ku një zjarr i përmasave të mëdha shkaktoi mbi 80 viktima, në një intervistë ekskluzive për "Gazeta Shqiptare", Goxhaj na tregon se sa është i kërcënuar nga zjarret kryeqyteti. "Kryeqyteti i ka mundësitë t'i përballojë këto situata, sepse kemi stacione në të gjithë periferitë e Tiranës. Ne jemi 116 zjarrfikës të ndarë në 6 stacione. Kemi stacion në Kinostudio, në Qytet Studenti, te Tuneli në Kërrabë, në Kombinat, në Institutin Bujqësor, gjithashtu edhe tek "21- Dhjetori", që është stacioni qendror. Kemi punonjës të shërbimit zjarrfikës që janë të angazhuar 24 orë", u shpreh Goxhaj. Më tej ai theksoi se janë pezulluar të gjitha lejet për punonjësit e zjarrfikëses, konkretisht nga 1 gushti deri më 15 shtator të gjithë do të kalojnë në gatishmëri të plotë.
Duke marrë shkas nga situata tragjike në Athinë, sa i përgatitur është shërbimi zjarrfikës në rastin e një situate të ngjashme në Tiranë?
Në Tiranë nuk ndodhin situata të ngjashme me përmasa të tilla, sepse në Greqi rrymat detare rritën shpejtësinë e zjarrit. Në Tiranë kemi kushte të tjera. Kemi muaj që po punojmë për të përgatitur mjetet dhe njerëzit për stinën e verës. Fillimisht i besojmë shumë parandalimit të këtyre ngjarjeve dhe për këtë arsye kemi organizuar takime me të gjithë drejtuesit e njësive administrative të Bashkisë së Tiranës, për t'u kërkuar atyre që të sensibilizojnë qytetarët që të tregohen shumë të kujdesshëm gjatë kësaj stine, që mos të kemi zjarrvënie të qëllimshme ose nga pakujdesia. I kemi kushtuar shumë rëndësi parandalimit të ngjarjeve.
A ka Tirana infrastrukturën e nevojshme për ndërhyrje të shpejtë në raste emergjente?
Shërbimi i zjarrfikësit të Tiranës është shërbim urban dhe është i ndarë në 6 stacione. Kryeqyteti i ka mundësitë t'i përballojë këto situata, sepse kemi stacione në të gjithë periferitë e Tiranës. Kemi stacion në Kinostudio, në Qytet Studenti, te Tuneli në Kërrabë, në Kombinat, në Institutin Bujqësor, gjithashtu edhe tek "21- Dhjetori", që është stacioni qendror. Kemi punonjës të shër- bimit zjarrfikës që janë të angazhuar 24 orë. Në raste zjarri ne marrim koordinatat dhe punonjësit e zjarrfikësve që mbulojnë atë zonë kanë informacione për çdo rrugë dhe rrugicë. Për banesat gjithmonë është ofruar zgjidhje, sepse i kemi forcat dhe mundësit, ndërhyrja nga ajri vjen vetëm në rastet e zjarreve me përmasa të mëdha në zonat malore me pyje dhe shkurre. Për përballimin e situatës së verës ne bashkërendojmë punën edhe me drejtori të tjera, siç është Drejtoria Pyjore, Drejtoria e Emergjencave Civile e Bashkisë Tiranë, Forcat e Armatosura në rastet madhore etj.
Sa është numri i zjarrfikëseve dhe i punëtorëve dhe a janë të trajnuar për situata të tilla?
Ditën e sotme ( dje) ishim në një njësi administrative ku organizuam një demonstrim në zonën e Vaqarrit, por përherë organizojmë trajnime dhe demonstrime për të përballuar situata të tilla dhe mendojmë se jemi të përgatitur. Ne jemi 116 zjarrfikës të ndarë në 6 stacione. Për periudhën gusht deri në mes të shtatorit me kërkesën time dhe me urdhrin e kryetarit janë Planin e masave ne e hartojmë para fillimit të stinës së verës. Ky plan masash hartohet nga ne dhe miratohet nga kryetari i Bashkisë së Tiranës. Kemi një plan shumë të detajuar dhe jemi të përgatitur për çdo lloj situate. Kemi kapacitete njerëzore dhe mjete e pajisje për të përballuar këto situata. Edhe në qoftë se do kemi raste madhore, futen në bashkëpunim edhe drejtoritë e tjera.
manovruar edhe lejet. Janë ndaluar të gjitha lejet që punonjësit të jenë në Tiranë për çdo rast emergjence.
A ka shërbimi zjarrfikës një plan masash për çdo rast, qoftë ky edhe katastrofik?
Patjetër, planin e masave ne e hartojmë para fillimit të stinës së verës. Ky plan masash hartohet nga ne dhe miratohet nga kryetari i Bashkisë së Tiranës. Kemi një plan shumë të detajuar dhe jemi të përgatitur për çdo lloj situate. Kemi kapacitete njerëzore dhe mjete e pajisje për të përballuar këto situata. Edhe në qoftë se do kemi raste madhore, futen në bashkëpunim edhe drejtoritë e tjera.
Cilat janë zonat më prob- lematike në Tiranë dhe cilat janë shkaqet kryesore të zjarreve?
Shkaqet kryesore të zjarreve janë nga pakujdesia, nga vetë dora e njeriut. Ndaj ne u kërkojmë qytetarëve që të tregohen shumë të kujdesshëm gjatë kësaj stine që mos të kemi zjarrvënie nga pakujdesia ose të qëllimshme. Sepse zjarret në kryeqytet nuk mund të ndodhin vetvetiu. Të gjitha njësitë administrative në territor në të cilat ka pyje, shkurre e kullota janë të rrezikuara nga zjarret në stinën e verës. Nuk mund të përcaktojmë një zonë specifike që klasifikohet si problematike.
Mund të na përmendni një ngjarje në kryeqytet ku jemi prekur nga zjarri dhe si ka qenë ndërhyrja?
Kemi rastin e magazinës në zonën e Kasharit, ku u vu shumë në dukje dhe bashkëpunimi me institucionet e tjera. Patëm ndihmë nga Drejtoria e Shërbimit Zjarrfikës së Vorës, nga ushtria, nga Policia e Shtetit nga ndërmarrja e ujësjellësit. Shumë institucione bashkë bënë të mundur eliminimin në pak orë të një zjarri masiv, pasi u përfshi e gjithë fabrika në zjarr dhe ishin materiale plastike shumë të djegshme dhe mund të vazhdonin edhe me ditë të tëra në qoftë se organizimi i punës nuk do të ishte i tillë.