Vendimi, autorizohet ndihma shtetërore për skemën fiskale në turizëm
Fletorja Zyrtare/ Dy komponentët kryesorë për dhënien e ndihmës, sa do të jenë reduktimet Ja çfarë do të përfitojnë hotelet me status special
Ditën e djeshme ka hyrë në fuqi vendimi për autorizimin e ndihmës shtetërore "Për skemën e incentivave fiskale në sektorin e turizmit" pas propozimit të komisionit me në krye ministrin e Financave dhe Ekonomisë, Arben Ahmetaj. Dhënësit e ndihmës kanë miratuar me akte ligjore dhe nënligjore dhënien e incentivave fiskale, me qëllim mbështetjen e aktivitetit ekonomik të shërbimit të akomodimit në strukturat akomoduese, si edhe hoteleve me "status special", vendës dhe të huaj. E gjithë kjo ka si synim mbështetjen e aktivitetit ekonomik të ndërmarrjeve në Shqipëri, në sektorin e turizmit. "Komisioni vlerëson se incentivat fiskalë janë ndihmë shtetërore. Ky konkluzion paraprak mbështetet në gjetjet, se: - përjashtimi nga tatimi mbi fitimin për kohëzgjatjen prej 10 vitesh; përjashtimi nga taksa mbi ndërtesat; aplikimi i shkallës së reduktuar të Tatimit mbi Vlerën e Shtuar nga 20% në 6%, për çdo furnizim shërbimi të ofruar brenda strukturave akomoduese ' hotel/ resort me pesë yje, status special'; si edhe aplikimi i shkallës së reduktuar të Tatimit mbi Vlerën e Shtuar nga 20% në 6%, për çdo furnizim shërbimi të ofruar nga strukturat akomoduese, do t'u japë përfituesve të ndihmës një avantazh ekonomik që nuk ofrohet në treg, në kushte normale", - theksohet në Fletoren Zyrtare. Në këtë të fundit më tej bëhet me dije se avantazhi i dhënë është selektiv, sepse vetëm përfituesit/ ndërmarrjet do të përfitojnë nga skema e ndihmës dhe ai jepet nga burimet shtetërore, duke qenë se lehtësirat do të rezultojnë në uljen e të ardhurave tatimore në buxhetin e shtetit dhe lehtësirat fiskale të dhëna për ndërmarrjet kanë efekt në