Miratohet krijimi i fondit të inovacionit
Komisioni
i Ndihmës Shtetërore vendosi dje që au torizojë zbatimin e skemës së ndihmës shtetërore "Për krijimin e fondit të inovacionit". Kjo, pasi ndihma synon nxitjen e projekteve të inovacionit të ndërmarrjeve të vogla dhe të mesme, por nga fondi i inovacionit nuk do të përfitojnë ndërmarrjet me pasqyrë financiare me humbje. "AIDA të mbështesë projektet e inovacionit për mbulimin e kostove të pranueshme: kostot për zotërimin, vërtetimin dhe mbrojtjen e patentave dhe të aseteve të tjera të paprekshme; kostot për vënien në dispozicion të personelit me kualifikim të lartë nga një organizatë kërkimi ose nga një ndërmarrje e madhe, e cila kryen aktivitete kërkimi, zhvillimi dhe inovacioni, në një funksion të krijuar rishtazi brenda ndërmarrjes përfituese, pa zëvendësuar pjesëtarët e tjerë të stafit, si dhe kostot për këshillimet e inovacionit dhe shërbimet mbështetëse", - theksohet në Fletoren Zyrtare.
konkurrencë. Skema synon të inkurajojë investimet në infrastrukturën e turizmit në Republikën e Shqipërisë, si
edhe krijimin e vendeve të reja të punës. Dhënësi i ndihmës është Ministria e Financës dhe Ekonomisë, ndër-
sa zbatues i skemës së ndihmës shtetërore është ministria përgjegjëse për turizmin.
PËRFITUESIT
Plani për dhënien e ndihmës shtetërore në formën e incentivave fiskalë përbëhet nga dy komponentë. Komponenti i parë është skema e ndihmës shtetërore për furnizimin e shërbimit të akomodimit në strukturat akomoduese, në formën e reduktimit të shkallës së Tatimit mbi Vlerën e Shtuar nga 20% në 6%. Ndërkohë, komponenti i dytë është skema e ndihmës shtetërore për çdo furnizim shërbimi të ofruar brenda strukturave akomoduese "hotel/ resort
me pesë yje, status special", në formën e reduktimit të shkallës së reduktuar të Tatimit mbi Vlerën e Shtuar nga 20% në 6%, përjashtimit nga tatimi mbi fitimin ( për një kohëzgjatje prej 10 vitesh), si dhe përjashtimi nga taksa e ndërtesës. Përfituesit nga zbatimi i skemës së ndihmës shtetërore janë ndërmarrjet që ofrojnë shërbimin e akomodimit në strukturat akomoduese, si dhe operatorët menaxhues në strukturat akomoduese "me 4 ose 5 yje, status special", të cilat marrin përsipër operimin dhe menaxhimin e një strukture akomoduese me 4 ose 5 yje.