Rishikimi i kufijve/ KE: Zgjidhja duhet të jetë realiste dhe e mundshme
Ish- kryeministri i Suedisë, Carl Bildt: Rama, i hapur për idetë e Vuçiç dhe Thaçit Kërcënon Daçiç: Mos luani me nervat dhe muskujt e Serbisë
Komisioni Europian ka reaguar lidhur me tezën e shumëdiskutuar të ditëve të fundit, atë të rishikimit të kufijve midis Kosovës e Serbisë. "Një zgjidhje e përhershme nënkupton një zgjidhje realiste, e qëndrueshme dhe e mundshme, në pajtueshmëri me të drejtën ndërkombëtare e mbi të cilën Prishtina dhe Beogradi duhet të kenë pajtueshmëri", ka deklaruar dje në Bruksel zëdhënësi i Komisionit Evropian, Carlos Martin. I pyetur nëse Komisioni Evropian mbështet qëndrimin e presidentit të Serbisë, Aleksandar Vuçiç, për ndarje ndërmjet shqiptarëve dhe serbëve në Kosovë, ai ka thënë se gjatë takimit të nivelit të lartë, Vuçiç dhe Presidenti i Kosovës, Hashim Thaçi, kanë pasur "bisedime intensive dhe produktive mbi kornizën e marrëveshjes për normalizimin e plotë të marrëdhënieve dhe se janë pajtuar për intensifikimin e punëve". Martin ka shtuar gjithashtu se më 18 korrik, "Vuçiç dhe Thaçi kanë shqyrtuar përparimin e arritur dhe janë pajtuar të takohen sërish në fillim të shtatorit". "Dialogu i ndërmjetësuar nga Bashkimi Evropian ka për synim nxitjen e arritjes së një bashkëpunimi të përhershëm mes të dyja palëve dhe t'i ndihmojë atyre të arrijnë përparim në rrugën e tyre drejt Evropës", ka thënë Martin. Ndërkaq, Carl Bildt, ish- kryeministër i Suedisë tregon për herë të parë qëndrimin e kryeministrit Rama për çështjen e kufijve të Kosovës. Sipas Bildt, Rama është i hapur për idetë e Vuçiç dhe Thaçit për korrigjimin e kufijve. Por Bildt paralajmëron të njëjtin skenar edhe për Maqedoninë, ku ka popullsi dërrmuese shqiptare, çka sipas tij do të ishte njëlloj sikur të luaje me zjarrin. "Në një takim me të, Rama ishte i hapur për idenë e Vuçiç. Mund të ketë versione të ndryshme të skemave të ndarjes. Kosova mund të lëshojë zonën në veri të lumit Ibër, e banuar pothuajse ekskluzivisht nga serbët dhe pastaj të fitojë njohje diplomatike dhe ndoshta të fitojë
edhe disa lokalitete, kryesisht të banuara në Serbinë Jugore. Dhe pastaj ekziston çështja edhe më e vështirë dhe e rrezikshme e Maqedonisë, ku shqiptarët janë pjesë e konsiderueshme e popullsisë. Do të ketë patjetër nga ata që pyesin pse kjo nuk duhet të zbatohet edhe në Maqedoni. Kjo do të ishte seriozisht të luaje me zjarrin", tha Bildt.
SERBIA E RUSIA
Kryediplomati serb, Ivica Daçiç mbështet tezën e rish-
ikimit të kufijve me Kosovën, ndërsa ka hedhur akuza të ashpra në drejtim të ndërkombëtarëve. Deklaratat e forta Daçiç i ka bërë gjatë takimit me zëdhënësen e Ministrisë së Jashtme ruse, Maria Zaharova, e cila ka vizituar Beogradin ditën e djeshme. Daçiç tha se perëndimi hapi ' kutinë e Pandorës' që kur bombardoi Serbinë, duke shkatërruar sipas tij, kufijtë. "Ata që kufijtë tanë i shkatërruan, ata të cilët na bombar- Carl Bildt, ishkryeministër i Suedisë tregon për herë të parë qëndrimin e kryeministrit Rama për çështjen e kufijve të Kosovës. Sipas Bildt, Rama është i hapur për idetë e Vuçiç dhe Thaçit për korrigjimin e kufijve. Por Bildt paralajmëron të njëjtin skenar edhe për Maqedoninë, ku ka popullsi dërrmuese shqiptare, çka sipas tij do të ishte njëlloj sikur të luaje me zjarrin. duan, tani bëhen të gjallë dhe thonë që s'ka më ndryshim kufijsh. A e hapët ' Kutinë e Pandorës'? Iku tani, mbaroi, nuk ka më, nuk keni më gojë të flisni. Si s'ju vjen turp?! Çfarë është kjo hipokrizi? Kjo ka lidhje edhe me Maqedoninë, e njohën pavarësinë e Kosovës dhe tani thonë s'ka ndryshim kufijsh. Po ç'është kjo kur të vjen rreziku në derë, thoni që s'ka ndryshim kufijsh?", tha Ivica Daçiç, ministër i Jashtëm i Serbisë. Ai beson gjithashtu se SHBA- të kanë ndryshuar qasje ndaj Kosovës, duke pretenduar se Uashingtoni nuk do bëhet pengesë për rishikimin e kufijve. Nga ana tjetër, zëdhënësja e Ministrisë së Jashtme të Rusisë, Maria Zakharova tha: "Serbia dhe Rusia janë partnerë strategjikë dhe qëndrimi i Moskës karshi Kosovës mbetet i pandryshueshëm". Pas takimit me ministrin e Jashtëm serb, Ivica Daçiç, ajo ka thënë se Kosova është edhe çështje ndërkombëtare. "Është çështje e brendshme, por ka kohë që është shndërruar në problem ndërkombëtar", ka thënë Zakharova, duke shtuar se Rezoluta 1244 e Këshillit të Sigurimit të Kombeve të Bashkuara është ende në fuqi dhe se "Rusia angazhohet për respektimin e së drejtës ndërkombëtare". "Gjithmonë i kemi respektuar ato vendime që janë të dobishme për popullin e Serbisë", ka thënë ajo. E pyetur për idetë e fundit mbi ndryshimin e kufijve në Kosovë, Zakharova ka thënë se për këtë çështje "duhet të përgjigjen shtetasit serbë".