Erion Braçe: Të zhbëjmë kulturën e armës, le të mbushen burgjet plot
Deputeti si PS: Lulzim je me armën si Berisha, apo kundër?
Deputeti
socialist, Er jon Braçe, bën thirrje që të nisë një aksion çarmatimi, pas masakrës së djeshme në Selenicës, ku 8 persona u vranë nga 24vjeçari Ritvan Zyka. Braçe sjellë në vëmendje apelin e ish- kryeministrit Sali Berisha, i cili në prill të vitit 2016 bënte thirrje për armatosje të popullsisë nga foltorja e parlamentit, duke vlerësuar se situata ishte e pasigurt. Braçe u shpreh se Berisha, arritjen e qëllimit dhe imponimin e zgjidhjeve e bën përmes armëve. Ndërkohë, një apel i bën edhe Lulzim Bashës, kryetarit të PD- së: "Lulëzim ndaje mendjen, je me armën si ky këtu, apo kundër saj si pjesa më e madhe e shqiptarëve!", shkroi dje Braçe. Duke e cilësuar vrasjen e 8 personave në Selenicë një dramë, Braçe u shpreh: "Prej vitit 1997, ato janë makabre dhe shumë të dhimbshme. Kurrë, po kurrë s'u ndal kush të analizojë, marrë përgjegjësi e vendosë. Të tregojë rrugën se si ky vend çarmatoset. Ka ardhur koha që ne të zhbëjmë kulturën e armës, komunikimin përmes saj, zgjidhjet duke përdorur armët. Është e vështirë, e di. Ka njerëz si ky që e kanë zgjatim armën, por duhet të vendosim tani, duke ashpërsuar ligjin, zbatuar pa asnjë dallim kudo, në rrugë, shtëpi, makinë, brez për cilindo të marrë apo të përgjegjshëm të unifikojmë politikën penale kundër tyre, secilit prej tyre. Pa mëshirë! Le të mbushen burgjet plot me këta, ama do pastrohen rrugët, lagjet, shtëpitë, baret e restorantet, plazhet nga soji i këtyre që rrëmbejnë një status prej armës, komunikojnë me armë, zgjidhin hatrin apo hallin, hakun apo gjakunsipas gjuhës se tyre, me armë", u shpreh Braçe.