Masakra e Selenicës, autori filmoi viktimat pas ekzekutimit
Qytetarët: Të rikthehet dënimi me vdekje, nuk ndihemi të sigurt Policia gjen videot makabër në celularin e Ridvan Zykajt
Dy ditë pas ngjarjes makabër me tetë të vrarë në Resulaj të Selenicës, të tjera detaje dalin në dritë. Mësohet se autori i masakrës, Ridvan Zykaj, pas krimit të rëndë, ka filmuar me telefonin e tij pasojat tragjike. Burime pranë grupit hetimor bënë me dije se në telefonin e autorit janë gjetur video të viktimave pas ekzekutimit barbar. Gjithashtu, mësohet se videon e regjistruar me viktimat e shtrirë në oborret e banesave, 24- vjeçari Zykaj ia nisi një të afërmi në rrjetin social në messenger- in e "Facebook"ut. Autoritetet po e mbajnë Zykajn në ambientet e policisë së Vlorës dhe pritet që ai të dalë ditën e sotme para gjykatës për masë sigurie. Ndërkohë prokuroria ka kërkuar arrest me burg deri në përfundim të hetimeve. Gjithashtu organi i akuzës ka kërkuar një ekspertizë mjekësore për të vërtetuar
nëse ka apo jo probleme mendore, por deri tani zyrtarisht nuk konfirmohet nëse ka apo jo. Kujtojmë se pas arrestimit, siç blutë e Vlorës
konfirmojnë, autori i krimit nuk ka shfaqur pendesë. Pranoi krimin e kryer për shkak se sipas tij, e kishin akuzuar për vjedhjen e disa pulave. Ai nuk bëri rezistencë ndaj forcave të rendit ndërsa iu sekuestruar arma e krimit automatik kallashnikov dhe telefoni celular. Më tej, ai kërkoi një avokat. Në fshat 24vjeçari njihej si person problematik, për shkak të sherreve të vazhdueshme që bënte me të tjerët. Disa ngrenë dyshime se ai mund të ketë pasur edhe probleme të shëndetit mendor. Mësohet se gjendja e tij së fundmi kishte pësuar përkeqësim, aq sa nuk
pranonte të jetonte më as me prindërit e tij. Ndonëse në të njëjtën çati, Ridvani jetonte në një dhomë të veçuar dhe nuk përzihej as me ta, as me të vëllanë dhe motrën.
REAGIMI I QYTETARËVE
Masakra e Selenicës ka rikthyer debatin nëse duhet ashpërsuar legjislacioni për personat që kryejnë krime
monstruoze. Gjate reagimeve të dhëna, qytetarët shprehen se ndjehen të pambrojtur, duke theksuar se këtë masakër e dënojnë me vdekje. "Duhet të jetë dënimi me vdekje. Çfarë është kjo? Armëmbajtje pa leje që të bëjnë pazar, gjykatësit dhe prokurorët? Nuk e shef se çfarë po bëhet për vendimet në drejtësi. Duhet të jetë dën-