Aksidenti në Kamzë me dy të vdekur, lihet në burg shoferja
Prokuroria ngre dyshime se 38- vjeçarja në vend që të frenonte, i ka dhënë gaz Avokati: Rozina Kolecit i preu rrugën biçikleta
Gjykata e Tiranës zh villoi ditën e djeshme seancën gjyqësore ndaj Rozina Kolecit, 38vjeçaren, e cila shkaktoi aksidentin tragjik të 8 gushtit në Kodër Kamzë. Ndaj Kolecit u dha masa e sigurisë "arrest me burg". Këtë masë sigurie kishte kërkuar edhe prokurorja e Tiranës, e cila po vijon hetimet për këtë ngjarje. 38- vjeçarja teksa drejtonte automjetin tip "Benz" me targë AA071UA, ka humbur kontrollin e drejtimit të mjetit, duke u përplasur me një biçikletë. Pas kësaj makina ka përplasur edhe një nënë me dy fëmijë të mitur. Si pasojë e përplasjes së fortë ka ndërruar jetë njëra nga vajzat, një 7vjeçare dhe shtetasi i identifikuar si Ramazan Isha, 29 vjeç, i cili ishte duke drejtuar biçikletën ne momentin e aksidentit. Makina është përplasur më pas dhe me një furgon të bardhë. Gjatë seancës së vlerësimit të masës së sigurisë të zhvilluar paraditen e së shtunës Koleci nuk ka folur para trupit gjykues, ndërsa avokati i saj ka sqaruar rrethanat e pretenduara nga e mbrojtura prej tij. Sipas avokatit të Rozina Kolecit, kjo e fundit ka humbur drejtimin e automjetit me të cilin po lëvizte, kur i ka dalë befasisht përballë i riu me biçikletë që mbeti viktimë e këtij aksidenti, 29 vjeçari Ramazan Isha. Avokati ka sqaruar se në përpjekje për të shmangur përplasjen me biçiklistin gruaja ka përplasur fatalisht dhe nënën me dy vajzat, njëra prej të cilave, 7 vjeçe, tragjikisht humbi jetën. Ndryshe dyshon prokuroria se ka qenë dinamika e ngjarjes. Mësohet se organi i akuzës do të sekuestrojë videot e kamerave të bizneseve në zonën e aksidentit për të provuar dyshimin se 38- vjeçarja Rozina Koleci, në vend që të frenonte në momentin e aksidentit padashje i ka dhënë gaz. Prokuroria ka, gjithashtu, dyshimin se autorja e aksidentit tragjik ka qenë duke komunikuar me celular në momentin që tragjikisht ka humbur kontrollin e makinës. Kujtojmë se ditën e aksidentit të rëndë, dëshmitarët në vendngjarje thanë se ishte drejtuesja e mjetit tip "Benz" që doli nga rruga, duke marrë përpara biçikletën dhe këmbësorët. Pasi doli në korsinë tjetër të rrugës, makina u përplas edhe me një mjet tip furgon. Shoferi i furgonit me të cilin u përplas makina, pasi kish- te përplasur fillimisht 29vjeçarin Ramazan Isha dhe nënën me dy fëmijë, tregon momentet e tmerrit që përjetoi. Ai tregoi momentin Sipas avokatit të Rozina Kolecit, kjo e fundit ka humbur drejtimin e automjetit me të cilin po lëvizte, kur i ka dalë befasisht përballë i riu me biçikletë që mbeti viktimë e këtij aksidenti, 2- vjeçari Ramazan Isha. Avokati ka sqaruar se në përpjekje për të shmangur përplasjen me biçiklistin gruaja ka përplasur fatalisht dhe nënën me dy vajzat, njëra prej të cilave, 7 vjeçe, tragjikisht humbi jetën.
tragjik, kur makina përplasi nënën me 2 vajzat e saj. Fëmijët ishin në trotuar. Pashë vetëm momentin kur makina i ra gruas dhe dy fëmijëve. Nuk pashë biçikletën. Makina nuk ishte me shpejtësi, ishte normal. Fëmija ishte i vdekur para makinës tonë dhe çiklisti ishte i vdekur pak më tutje. U tmerruam, të shohësh viktima. Ishin pamje të tmerrshme", u shpreh drejtuesi i furgonit.