Meta: Nxitja e konflikteve nuk i shërben implementimit të reformës në drejtësi
Ngërçi në gjyqësor, presidenti: Duhet dialog politik
Në
një kohë kur institucionet kryesore të sistemit të drejtësisë janë në kushtet e mosfunksionimit, presidenti Ilir Meta shprehet për herë të parë për ligjin e magjistraturës duke kërkuar dialog politik. Meta deklaroi dy javë më parë se nxitja e konflikteve nuk i shërben implementimit të reformës në drejtësi. "Unë jam i bindur se nxitja e konfliktit as nuk i ka shërbyer deri më tani reformës në drejtësi, dhe as nuk do t'i shërbejë në të ardhmen. Vendi ka nevojë për një reformë në drejtësi, e cila bazohet fort te pavarësia e institucioneve të reja të drejtësisë, te integriteti i krijimit të tyre. Dhe në këtë drejtim unë inkurajoj vetëm dialogun për të zgjidhur çdo çështje në mënyrën më transparente dhe me integritet", tha ai. Meta u ndal dhe te Gjykata Kushtetuese. "Besoj se duhen të ndërmerren sa më parë të gjitha ato hapa, që përforcojnë efektet pozitive të reformës në drejtësi, por pa krijuar kurrsesi boshllëk apo paralizë të institucioneve më të rëndësishme të drejtësisë",- theksoi kreu i shtetit.