PD, Shehu: Më e mira për qeverinë Rama, të mos ndërhyjë në shëndetësi

Gazeta Shqiptare - - POLITIKE -

Deputeti

i PD- së Tritan Shehu, njoftoi dje se gjatë një takimi që ka pasur me disa kolegë të sistemit shëndetësor, njëri prej tyre i ka pohuar se është mirë "që qeveria gjënë më të mirë që mund të bëjë për shëndetësinë, është të mos bëjë asgjë". "Çdo herë që do të tentojë të "fusë duart", aq herë veçse përkeqëson më tej gjendjen". P. sh. dy VKM- të e fundit, në një hark të shkurtër kohor këto, veçse shkatërrojnë me tej sistemin: Vendimi për krijimin e "Operatorit shëndetësor" në rang kombëtar, do të çojë në paralizë të plotë të sistemit nëpërmjet centralizmit ekstrem që krijon në sistemin spitalor e parësor, zhvlerësimit të plotë të sistemit tonë sigurativ shëndetësor, politizimit ekstrem të institucioneve shëndetësore, zgjerimit pa kufi të hapësirave korruptive, qoftë nëpërmjet shumëfishimit të PPP, qoftë prej procedurave e politikave operative të parashikuara, etj. 2- Vendimi i qeverisë për heqjen e kritereve teknike e profesionale ( Aneksi 1), për përzgjedhjen e shefave te Shërbimeve Mjekësore Universitare, ul "stekën" përdhe duke shumëfishuar kështu kushtet për lulëzimin e mediokritetit, emërimeve krejt klienteliste e politike, korrupsionit në emërime etj., gjë që jo vetëm zhvlerëson dijet, shkencën, kontributet, përpjekjet për të arritur nivele të larta, por shkatërron edhe vetë këto shërbimet, si dhe dëmton rëndë sistemin tonë në tërësi", shprehet z. Shehu. Sipas tij një goditje të rende merr nga kjo VKM veçanërisht Universiteti Mjekësor, spitalet universitare, ku po konsolidohet për çdo ditë filozofia Lei Fen- iste.

Newspapers in Albanian

Newspapers from Albania

© PressReader. All rights reserved.