Cilësohej si person i rrezikshëm, arrestohet 38- vjeçari nga Tepelena
SARANDE- Një 38- vjeçar nga Tepelena, i cilësuar si person me rrezikshmëri, ka rënë në prangat e policisë gjatë një operacioni të policisë së Sarandës. Sipas uniformave blu, në pranga është vënë shtetasi me inicialet B. I, banues në Vasjar të Tepelenës. Fillimisht ai është ndaluar në një nga klubet e natës në lagjen numër 1 të qytetit të Sarandës, ku i janë gjetur dhe sekuestruar 3 gramë lëndë narkotike e llojit "cannabis sativa". Më pas, policia ka kryer kontroll edhe në banesën ku ai jetonte, dhe në garazhin e mjetit në afërsi të Kanalit të Cukës. Në këtë të fundit, policia gjatë kontrollit ka gjetur dhe sekuestruar një armë zjarri pistoletë.