Ndalohen 23 emigrantë në Devoll, vinin nga Iraku, Siria dhe Palestina 23
Njëri prej tyre shfaq probleme shëndetësore, shtrohet në spital
DEVOLL - Vijon fluksi i emigrantëve nga vendet e Lindjes së Mesme. Ditën e djeshme 23 emigrantë të jashtëligjshëm janë ndaluar në zonën e Devollit. Policia kufitare njofton se emigrantët e ndaluar gjatë mëngjesit të së dielës janë të kombësive siriane, irakiane dhe palestineze. Një pjesë e tyre u kapën në fshatin Trestenik si dhe një pjesë tjetër në qendër të Bilishtit. Mes emigrantëve ka gra dhe fëmijë të vegjël. Ata janë transportuar drejt qendrës së azilkërkuesve në Tiranë. Njëri prej tyre, mësohet se ka përfunduar në spital, pasi ka shfaqur probleme shëndetësore. Ai është dërguar nga efektivët e policisë kufitare në spitalin e Korçës, për ndihmë mjekësore. Sipas mjekëve të spitalit, emigranti vuante nga diabeti dhe ka pësuar krizë diabetike për shkak të lodhjes. Pas trajtimit gjendja e tij është stabilizuar, konfirmojnë bluzat e bardha. Ndërkohë policia kufitare ka shtuar kontrol- let përgjatë vijës kufitare me Greqinë, prej nga emigrantet hyjnë në brendësi të fshatrave të Devollit. Më herët zv. ministrja e Brendshme e Shqipërisë, Rovena Voda tha se nuk ka kërkesë zyrtare për krijimin e një kampi refugjatësh, por vetëm Qendra e Azilkërkuesve në Tiranë, ku paraqiten ata që kërkojnë azil në Shqipëri.
EMIGRANTË
Ditën e djeshme 23 emigrantë të jashtëligjshëm janë ndaluar në zonën e Devollit. Policia kufitare njofton se emigrantët e ndaluar gjatë mëngjesit të së dielës janë të kombësive siriane, irakiane dhe palestineze. Një pjesë e tyre u kapën në fshatin Trestenik si dhe një pjesë tjetër në qendër të Bilishtit.