Denoncimi, PD: 500 mln euro dëm buxhetit nga interesat e familjes
"Tregu i bixhozit kontrollohet nga Olsi Rama"
Partia
Demokratike përmes deputetit Endri Hasa denoncoi dje kontrollin e plotë të familjes Rama mbi tregun e bixhozit në Shqipëri, një biznes i cili gjeneron miliona euro fitime. Deputeti Hasa tha se pas katërfishimit të pikave të basteve në Shqipëri fshihej plani korruptiv i Edi Ramës për t'i dhënë të vëllait Olsi Rama miliona euro fitime nëpërmjet koncesionit të mbikëqyrjes së lojërave të fatit. Ai iu referua edhe të dhënave të KLSH- së, sipas së cilës 1940 subjekte kanë ushtruar aktivitetin e tyre në këtë biznes pa licencë, duke i shkaktuar buxhetit të shtetit një dëm prej së paku 500 milionë eurosh. Ai deklaroi se kryeministri Rama shtyn hyrjen në fuqi të ligjit që kompanisë koncesionare të të vëllait, t'i shtohet fitimi. Deputeti demokrat u shpreh se PD do anulojë çdo ligj selektiv, çdo koncesion monopol dhe do rishikojë ligjin antimafia për sekuestrimin e çdo qindarkë dhe pasurie korruptive. "Edi Rama po e shtyn prej 3 vjetësh hyrjen në fuqi të zbatimit të ligjit për t'i dhënë mundësi bixhozit dhe pikave të basteve të zgjerohen dhe në këtë mënyrë, kompanisë koncesionare të të vëllait t'i shtohet fitimi. Partia Demokratike është e vendosur të anulojë çdo ligj selektiv, çdo kon-
VENDIMI
"PD është e vendosur të anulojë çdo ligj selektiv, çdo koncesion monopol dhe çdo favorizim nga pushteti, që sot qeveris me krimin e organizuar dhe që sipas Departamentit të Shtetit, po pastrojnë paratë edhe nëpërmjet zgjerimit të tregut të bixhozit", tha deputeti Hasa.
cesion monopol dhe çdo favorizim nga pushteti, që sot qeveris me krimin e organizuar dhe që sipas Departamentit të Shtetit po pastrojnë paratë edhe nëpërmjet zgjerimit të tregut të bixhozit. Rishikimi i ligjit antimafia nga Partia Demokratike do të sigurojë sekuestrimin e çdo qindarke dhe pasurie të vënë nëpërmjet krimit të organizuar dhe korrupsionit qeveritar të lidhur me të", theksoi z. Hasa.