Paloka: Rama bashkëqeverisë me kriminelë, me ta pastron paratë
Arrestimi i Edmond Begos, PD: Miku i Aldo Bares u mbrojt nga Balla, bëjnë biznes bashkë "Bego njihet me 3 emra, bën biznes i qetë në Shqipëri"
Opozita akuzoi dje mazhorancën qever isëse për lidhje të forta me kriminelët. Nënkryetari i Partisë Demokratike, Edi Paloka bëri dje të ditur se një trafikant ndërkombëtar droge jeton i lirë në Shqipëri dhe është i përfshirë në biznesin e ndërtimit. Paloka tha se mbrëmjen e së shtunës u arrestua nga policia greke, Edmond Bego i dënuar me 21 vite burg në Itali për trafik ndërkombëtar droge, "biznesmen i lidhur ngushtë me pushtetin e Edi Ramës". Sipas PD- së, miku i Aldo Bares shëtiste lirisht në Shqipëri pavarësisht se mbi të rëndonte një dënim prej 21 vitesh burg për trafik droge. Paloka akuzoi deputetin socialist Taulant Balla si të lidhur direkt me Begon, pasi sipas tij, janë të lidhur në biznes. Paloka ngriti disa pyetje, e teksa nxori emrin e deputetit te PS Taulant Balla, tha se ditët në vijim PD do të bëjë transparence përse ligji nuk ka vepruar ndaj Begos që njihet me emër tjetër për policinë, Italinë e biznesin në Shqipëri. Partia Demokratike e konsideron biznesmenin Edmond Bego, të arrestuar nga policia greke për llogari të italianëve, si njeri të lidhur ngushtë me pushtetin e Edi Ramës. Ndonëse Bego ishte dënuar në Itali me 21 vite burg për trafik ndërkombëtar droge, sipas demokratëve ai gëzonte mbrojtjen e qeverisë shqiptare, arsye për të cilën - theksojnë demokratët, - i kërkuari ka vijuar të qëndrojë i lirë. "Trafikanti ndërkombëtar i drogës, anëtari i bandës së Aldo Bares jetonte i lirë në Shqipëri, ku drejtonte edhe një biznes ndërtimi, nën mbrojtjen politike të kësaj qeverie. Nëse Edmond Bego nuk do të ishte nisur me pushime në Greqi, sot shqiptarët nuk do të dinin se një kriminel i rrezikshëm ka vazhduar të pasurohet lirisht, duke u lidhur drejtpërdrejt me disa nga njerëzit më të pushtetshëm në vend, edhe pse ishte i dënuar për trafik ndërkombëtar droge në Itali", tha nënkryetari i PD- së, Edi Paloka. Përmes nënkryetarit Paloka, demokratët për momentin i kanë akuzat në formë pyetjesh, ndonëse disa emra i lënë pa i përmendur. "Si është e mundur që një trafikant ndërkombëtar droge, i shpallur në kërkim ndërkombëtar nga autoritetet ital-
iane, arrestohet nga policia greke, por jo nga policia shqiptare? Si është e mundur që një trafikant i dënuar droge, jo vetëm nuk arrestohet, por bën i qetë biznes në Shqipëri? A është Taulant Balla, politikani që e ka marrë në mbrojtje trafikantin e drogës dhe bën biznes me të?", deklaroi z. Paloka. Demokratët pohojnë se do t'u
japin përgjigje këtyre pyetjeve në ditët në vijim, por ndërkohë kërkojnë nga prokuroria të hetojë përse policia shqiptare nuk veproi ndaj një personi në kërkim për trafik ndërkombëtar droge. Edi Paloka i bëri thirrje gjithashtu edhe prokurorisë të nisë menjëherë hetimet për moszbatimin e ligjit Policia e Igumenicës, në bashkëpunim me sektorin e kontrollit të pasaportave të Sajadhes, kanë arrestuar mbrëmjen e të shtunës të shumëkërkuarin shqiptar Edmond Bego, 48- vjeç. PD e konsideron biznesmenin Edmond Bego, të arrestuar nga policia greke për llogari të italianëve, si njeri të lidhur ngushtë me pushtetin e Edi Ramës.
duke e lënë të lirë shtetasin e arrestuar duke u shprehur se heshtja e prokurorisë është mbështetje të krimit të organizuar. "Heshtja e prokurorisë do të jetë një tjetër e dhënë që edhe ky organ tashmë është tërësisht në mbështetje të krimit të organizuar dhe jo në luftë me të", u shpreh z. Paloka.