Raporti i CIA- s: Shqipëria burim kryesor për prodhimin e kanabisit
“Evident pastrimi i parave që lidhet me trafikun e lëndëve narkotike” "Pikë aktive për transitin e drogave nga Azia Jugperëndimore"
Shqipëria vazhdon të mbetet burim kryesor për prodhimin e kanabisit dhe një pikë aktive për transitin e drogave nga Azia Jugperëndimore drejt Europës. Ky është konkluzioni i nxjerrë nga CIA në raportin e publikuar, për vendet e rajonit ku ka evidentuar Shqipërinë sërish si një vend problematik. Në përditësimin e fundit në faqen zyrtare të CIA- s të bërë më 14 gusht, shihet edhe përshkrimi që i bëhet Shqipërisë në lidhje me drogat e paligjshme, ku vendi ynë shihet si vend burimi i kanabisit. Por kështu thuhet se ka organizata aktive shqiptare të narkotrafikut të shpërndara në Europë. "Shqipëria vazhdon të mbetet burim i rëndësishëm për prodhimin e kanabisit si dhe një pikë aktive për transitin e drogave nga Azia Jugperëndimore", thuhet në raport. Ndër të tjera në përshkrimin për Shqipërinë thuhet se është rrugë ballkanike për transitin e hashashit dhe kanabisit dhe pjesërisht kokainës nga Amerika e Jugut e destinuar për Europën Perëndimore. Burim kryesor për prodhimin e kanabisit. Organizatat aktive shqiptare të narkotrafikut të shpërndara në Europë. Vulnerabël për pastrimin e parave që lidhet me trafikimin rajonal të narkotikëve, armëve, kontrabandës dhe qenieve njerëzore. Pra, për sa i përket korrupsionit thuhet se është evident pastrimi i parave, që lidhet me trafikun e lëndëve narkotike dhe të qenieve njerëzore. Gjithashtu, Inteligjenca Amerikane jep alarmin për shtimin e rrezikut të terrorizmit në Mal të Zi. Në raport thuhet se sekti japonez "Aum Shinrikyo" po përmirë- son rrjetin e tij në Malin e Zi, megjithëse shumica e anëtarëve u dëbuan dy vjet më parë. Mali i Zi është i vetmi vend në rajon ku CIA paralajmëron për rrezikun e terrorizmit. CIA thotë se Serbia nuk i zgjidhi problemet kufitare me Kosovën, Kroacinë dhe Bosnje dhe Hercegovinën. Pretendohet se rruga për transportimin e heroinës nga Azia në Evropë kalon nëpër Serbi dhe se ekonomia e saj është e ndjeshme kur është fjala për pastrimin e parave. Në Bosnje dhe Hercegovinë, thuhet se po trajtohet problemi i pastrimit të parave dhe korrupsionit, ndërsa gjyqësori është i dobët. Po ashtu thuhet se Kroacia është një vend transit për kontrabandën e kokainës nga Amerika e Jugut në Europën Perëndimore.