Kryemadhi- Ramës: S'na kopjoni dot, të rinjtë e LRI debatojnë ditë e natë
Akademia politike në Jalë, LRI nis aktivitetin e përvitshëm
Kryetarja
e LSI- së, Mon ika Kryemadhi, njoftoi dje nisjen e kampingut të organizuar këtë vit në Jalë nga të rinjtë e LRI- së. Në një postim në ' Facebook', Kryemadhi "thumbon" socialistët se kanë tentuar të huazojnë traditën e LRI- së. Marrë shkas nga organizimi i pak ditëve më parë i të rinjve të FRESSH në Jalë, Kryemadhi shprehet se forumet e tjera nuk arrijnë dot të kopjojnë aksionin e LRIsë, ku sipas saj, debatet dhe diskutimet nuk reshtin as në drekë e as në mbrëmje. "Ka nisur kampingu politik i të rinjve të LSIsë, një traditë e bukur e huazuar dhe nga forumet e tjera të ngjashme, të cilat megjithatë nuk kanë mundur të "kopjojnë" dot aksionin dhe motivimin tonë, ku debatet dhe diskutimet nuk rreshtin as në orët e nxehta të ditës dhe as në ato të mbrëmjes. Këto janë ditët kur të rinjtë mësojnë vlerat e politikës, por jo vetëm. Janë ditët kur ata "stërviten" për të qenë mbi të gjitha njerëz të mirë dhe qytetarë të ndershëm", shkruan zj. Kryemadhi në ' Face- book'. Pas kampit të të rinjve socialistë në fund të korrikut është ajo e të rinjve të Lëvizjes Socialiste për Integrim që si çdo vit organizojnë aktivitetin e Akademisë në Jalë që këtë vit zhvillohet në datat 20- 25 gusht. Të rinjtë do të kalojnë 5 ditë, ku misioni kryesor është socializimi dhe zbulimi i elementeve që dëshirojnë të spikatin politikisht. Gjatë gjithë ditës do të zhvillohen takime dhe trajnime të ndryshme me politikanë, diplomat, gazetar dhe ekspertë të fushave të ndryshme, të cilët do të ndajnë diskutimet e tyre dhe do t'i përgjigjen pyetjeve të anëtarëve të LRI- së. Në kamp të rinjtë do të ndajnë eksperiencën e të jetuarit në komunitet. Ku çdo punë dhe shërbim gjatë qëndrimit në kamp do të kryhet nga vetë të rinjtë për të rritur tek ata sensin e përgjegjshmërisë.