Provokon Beogradi, mediat nxjerrin hartën e re me veriun e Kosovës
Reuters: Ndryshimi i kufirit në Ballkanin Perëndimor, i rrezikshëm Thaçi: Në shtator vijon dialogu me Serbinë
Dialogu Kosovë- Serbi ende nuk ka përfund uar dhe ndërkaq tensionet mes këtyre dy vendeve sa vijnë e po shtohen. Kjo është vënë re më tepër ditët e fundit nga pala serbe. Televizionet e Serbisë kanë filluar që në edicionin e lajmeve të shfaqin më të zgjeruar hartën e Serbisë këto ditë. Ajo që vihet re tashmë në ekrane është se Serbisë i është bashkuar Republika Serbe dhe Veriu i Kosovës. Ky duket të jetë hapi i parë i implementimit të idesë së liderëve serbë dhe presidentit Hashim Thaçi, për t'i lëvizur kufijtë. Pjesë e hartave që shfaqen në televizionet serbe është bërë tashmë edhe Republika Srspka e Bosnjës dhe Veriu i Kosovës, shkruan ' Gazeta Express'. Lajmet e mbrëmjes në televizionin "Prva" janë shoqëruar me hartën e një "Serbie të madhe". "Çfarë po shfaqet në lajmet e mbrëmjes në Serbi këto ditë: hartat që duken sikur Serbia ka aneksuar Republikën Srpska dhe Veriun e Kosovës", ka shkruar në Twitter, Jasmin Mujanoviç, eksperti i politikës për Evropën Juglindore. Ajo që po shfaqet në televizionet serbe, në kohën kur lëvizja e kufijve është kundërshtuar nga të gjithë fuqitë e mëdha, Mujanoviç e krahason me kohën e Millosheviçit. "Kjo është e një vijë me atë që ka bërë RTS gjatë kohës së Millosheviçit". Deklaratat e fundit të Presidentit, Aleksandër Vuçiç, për ' përcaktim kufijsh' në baza etnike, janë konkretizuar me hartat që televizionet po shfaqin. Mujanoviç thotë se presidenti serb dhe lideri i Republika Srpskas, Millorad Dodik, duan dhunë. Prekja e kufijve në Ballkan është cilësuar nga shtetet më të fuqishme të Bashkimit Evropian si tensionim i situatës dhe destabilizim. Nga ana tjetër, tema e mundësisë së ndryshmit të kufijve midis Kosovës dhe Serbisë, ka qenë në fokus
të shumë mediave ndërkombëtare. Mes tyre gazeta austriake "Der Standard" dhe agjencia "Reuters" kanë publikuar artikuj ku pozicionohen kundër ndryshimit të kufijve. Agjencia e lajmeve Reuters në një shkrim të titulluar "Frenimi i BE- së promovon mosmarrëveshje të rrezikshme kufitare në Ballkanin Perëndimor" Andreas Rinke shkruan se "çdo ndryshim kufiri në rajonin e Ballkanit Perëndimor është i rrezikshëm". Reuters
citon drejtorin e Institutit për Evropën Juglindore në Universitetin e Regensburgut, Ulf Brunnbauer, të ketë thënë se "po të ndodhë ndryshimi i kufijve të Kosovës, atëherë kjo do të trimëronte serbët e Bosnjës që të ndanin Republikën serbe dhe t'ia bashkëngjisin Serbisë. BE është fajtore për hezitimin për debatin e kufijve në Ballkan, thekson Brunnbauer, citon Reuters. Sipas tij, Franca dhe Holanda janë fajtorë që po kundërshtojnë hapjen e bisedimeve të Shqipërisë dhe Maqedonisë me BE- në. Ky vakum i BE- së po shfrytëzohet pastaj nga vende si Rusia, Kina dhe Turqia, ka cituar Reuters ekspertin gjerman Ulf Brunnbauer. Ndërkaq, edhe gazeta austriake është marrë dje me këtë çështje. "Normalizimi i marrëdhënieve midis Kosovës dhe Serbisë dhe zbatimi i marrëveshjes midis Maqedonisë dhe Greqisë do t'ia hiqte Rusisë letrën kryesore nga dora". Kështu citohet të ketë thënë për gazetën austriake "Der Standard", drejtuesi i Qendrës për Evropën juglindore në Universitetin e Gracit, Florian Biber. "Rusia po shfrytëzon dobësitë e të tjerëve në Ballkan", thotë Biber, teksa ka shtuar se ky ndikim mund të përmbyset "Rusia po shfrytëzon dobësitë e të tjerëve në Ballkan", thotë Biber, teksa ka shtuar se ky ndikim mund të përmbyset vetëm përmes një angazhimi të fuqishëm të BE- së dhe të një ambivalence të Shteteve të Bashkuar të Amerikës", transmeton Der Standard. vetëm përmes një angazhimi të fuqishëm të BE- së dhe të një ambivalence të Shteteve të Bashkuar të Amerikës", transmeton Der Standard. Ndërkaq në pjesën e parë të muajit shtator do të mbahet takimi i radhës në kuadër të dialogut për normalizim të raporteve në mes të Kosovës dhe Serbisë. Lajmin e ka bërë të ditur vetë presidenti i Kosovës, Hashim Thaçi, në një prononcim për "Epoka e re". Por, ai ka thënë se në këtë takim ende nuk është specifikuar se për çfarë do të diskutojë me presidentin e Serbisë, Aleksandar Vuçiç. I pari i Kosovës u ka bërë thirrje partive opozitare të bëhen pjesë e dialogut, duke thënë se bashkëngjitja e opozitës në këtë proces është e mirëpritur.