Zbulohet raporti për urën "Morandi", ja paralajmërimi i rrezikut 40 vjet më parë
Rekomandimi i inxhinierit: Kujdes nga amortizimi
Para inxhinieri italian, i cili projektoi urën e Xhenovas që u shemb duke vrarë 43 persona, paralajmëroi rrezikun e amortizimit të urës. Ishte pikërisht Riccardo Morandi, inxhinieri që shkroi një raport në vitin 1979, duke rekomanduar mirëmbajtjen e vazhdueshme të strukturës, shkruan ' The Independent'. Raporti i lëshuar 12 vjet, pasi ura me emrin e tij u inaugurua, iu referua "humbjes së rezistencës kimike sipërfaqësore të betonit", për shkak të ajrit të detit dhe ndotjes nga një fabrikë çeliku aty pranë. Morandi, i cili vdiq në vitin 1989, këmbëngulte se projektimi i urës prej betoni ishte i saktë, por vuri në dukje rrezikun e amortizimit që nuk shihej në struktura të ngjashme, të cilat ndodheshin në mjedise të ndryshme. Ai paralajmëroi: "Herët a vonë, ndoshta pas disa vitesh, do të jetë e nevojshme të bëhet një rikonstruktim për të hequr të gjithë gjurmët e
PARASHIKIMI I INXHINIERIT TË URËS:
"Herët a vonë, ndoshta pas disa vitesh, do të jetë e nevojshme të bëhet një rikonstruktim për të hequr të gjithë gjurmët e ndryshkut dhe për të mbushur hendeqet. Duhet përdorimi i një rrëshire artificiale për të mbuluar përforcimet me materiale me një rezistencë shumë të lartë kimike", ka thënë inxhinier Morandi.