Berat, nis pelegrinazhi në malin e Tomorit
Policia: Janë angazhuar mbi 100 efektivë për mbarëvajtjen e festës si dhe shmangien e aksidenteve 5 ditët e shenjta të bektashinjve mbledhin 300- 400 mijë pelegrinë
Nis pelegrinazhi në Ma lin e Shenjtë të To morit. Festa e Shenjtë e Bektashinjve, e cila organizohet nga 20- 25 gusht mbledh çdo vit në Teqenë e Kulmakut rreth 300- 400 mijë pelegrinë nga e gjithë Shqipëria, diaspora e bota. Dje pelegrinët janë nisur drejt malit të Tomorit, një mal i konsideruar "i shenjtë", pasi në të prehet shenjtori i familjes së Profetit Muhamed, Abaz Aliu. Besimtarët kanë ngritur çadrat e tyre në këtë vend të shenjtë duke kryer jo vetëm kurbanin e festës, por duke ngjitur me këmbë edhe majën e Malit të Tomorit, i cili ndodhet 2416 metra mbi nivelin e detit. Të parët që janë vendosur në malin e shenjtë të bektashinjve kanë qenë barinjtë e fshatrave të Skraparit, të cilët ofrojnë për pelegrinët kurbanët e festës, "qengjat" që janë dhe personifikimi i kësaj feste të veçantë.
Teqeja e Kulmakut është përgatitur dhe ka hapur dyert disa ditë më parë për të pritur pelegrinët që do të bëhen pjesë e kësaj feste si dhe janë të gjitha marrë masat që në malin e Tomorit të mos mungojnë çadrat për pelegrinët, banjat, ndriçimi dhe uji i pijshëm. Gjatë 5- ditëve të pelegrinazhit, në Teqenë e Kulmakut dhe pranë varrit të Abaz Aliut kryhen ritet fetare të festës, ku çdo pelegrin falet për shëndet, mirësi e paqe në familjet e tyre. Të gjithë besimtarët dhe pelegrinët që i bashkohen kësaj feste të shenjtë, në shenjë mirësie bëjnë kurban një qengj për veten dhe familjen.
PELEGRINËT
Vetë pelegrinët e parë që kanë mbërritur në malin e shenjtë u shprehën: "Për çdo vit bëjmë me qindra kilometra për të ardhur e për tu bërë pjesë e kësaj feste", thanë dje pelegrinët e parë që kanë mbërritur në malin e shenjtë. Sipas tyre, pjesëmarrja në këtë festë të shenjtë është mjaft e rëndësishme, pasi u ka sjellë dhe vazhdon t'ju sjellë çdo vit vetëm mbarësi në familjet e tyre. Ndërkaq, sekretari i Kryegjyshatës së Bektashinjve për qarkun e Beratit, Zalo Qato u shpreh për "Gazeta Shqiptare" se këtë vit kushtet për mikpritjen e pelegrinëve janë përmirësuar dhe janë marrë të gjitha masat për akomodim. Krenar Capollari, shefi i sektorit të rendit në Komis- ariatin e Policisë Skrapar, bëri me dije se për mbarëvajtjen e këtij aktiviteti si dhe shmangien e aksidenteve në rrugën drejt Kulmakut janë nisur 100 forca policie që janë shpërndarë për të patrulluar në të gjithë aksion rrugor ÇorovodëKulmak si dhe është hartuar një plan i detajuar masash që do të zbatohet me rigorozitet. Capollari konfirmoi se për 5ditët e pelegrinazhit janë angazhuar të gjithë sektorët e Drejtorisë së Policisë së Gjatë 5- ditëve të pelegrinazhit, në Teqenë e Kulmakut dhe pranë varrit të Abaz Aliut kryhen ritet fetare të festës, ku çdo pelegrin falet për shëndet, mirësi e paqe në familjet e tyre. Të gjithë besimtarët dhe pelegrinët që i bashkohen kësaj feste të shenjtë, në shenjë mirësie bëjnë kurban një qengj për veten dhe familjen.
Qarkut Berat, duke filluar që nga sektori i qarkullimit rrugor e deri tek sektori i rendit dhe ai i krimeve, ndërkohë që me ta kanë bashkëpunuar edhe bashkitë: Skrapar, Poliçan e Berat, të cilat kanë sjellë në Kulmak stafe mjekësore, ambulanca e zjarrfikëse.