PD, letër Ruçit: Të shkarkohet dhe të ndiqet penalisht Xhafaj
Beteja kundër krimit, demokratët kërkesë kreut të Kuvendit: Të largohet edhe Veliu "Penguan komisionin hetimor ' Tahiri'"
Opozita intensifikon përpjekjet e saj për shkëputjen e lidhjeve të pushtetarëve me krimin. Në funksion të kësaj nisme, Partia Demokratike i dërgoi dje një letër kryetarit të Kuvendit, Gramoz Ruçi, ku akuzoi ministrin e Brendshëm se ka penguar qëllimisht komisionin që do të hetonte përfshirjen e qeverisë në kultivimin dhe trafikimin e drogës, duke fshehur informacionin dhe dokumentet. Në letrën që PD i drejton kryeparlamentarit Ruçi thuhet se, "Ministria e Brendshme dhe Policia e Shtetit nuk i kanë vënë në dispozicion për 5 muaj asnjë dokument komisioni hetimor". "Edhe pse komisioni hetimor që prej muajit prill 2018 ka kërkuar informacione nga Ministria e Brendshme dhe Policia e Shtetit, deri më sot në kundërshtim me Kushtetutën dhe me ligjin, komisionit nuk i është vënë në dispozicion asnjë e dhënë apo dokumentacion i kërkuar, duke pamundësuar punën e tij", - thuhet në letrën e Palokës. Gjithashtu, PD akuzon ministrin Xhafaj për asgjësim provash në mbrojtje të të vëllait trafikant siç thotë ajo, si dhe Tahirit, Ballës, Çyrbjes etj. Në letrën drejtuar Ruçit, Paloka shprehet se, "pengimi i komisionit hetimor është bërë me qëllim për të fshehur gjurmët e lidhjes së qeverisë me krimin e organizuar dhe për asgjësimin e informacioneve dhe provave që përfshijnë në veprimtari kriminale vëllain e dënuar për trafik droge të ministrit aktual të Brendshëm, Fatmir Xhafaj, si dhe vetë eksponentët e lartë të Partisë Socialiste si Saimir Tahiri, Fatmir Xhafaj, Taulant Balla, Jyrgys Çyrbja etj.". Edi Paloka thekson se heqja e së drejtës kushtetuese të opozitës për të kontrolluar qeverinë shënon fundin e parlamentarizmit dhe është dhunim flagrant i demokracisë funksionale në vend. Partia Demokratike i kërkon kryetarit të Kuvendit të marrë masa për përgjegjësit e pengimit të qëllimshëm të komisionit që do të hetonte përfshirjen e qeverisë në kultivimin dhe trafikimin e drogës. "Kërkojmë nga Kuvendi i Shqipërisë qëndrim të prerë ndaj aktit të pengimit të veprimtarisë së komisionit hetimor, duke marrë masat e duhura për të vënë përpara përgjegjësisë politike dhe ligjore ministrin e Brendshëm dhe drejtorin e përgjithshëm të Policisë së Shtetit. Pengimi i qëllimshëm i komisionit hetimor përbën shpërdorim detyre, që sjell sh- karkim nga detyra dhe përgjegjësi penale", - thuhet në letrën e Palokës. Duke vënë në dukje përfundimin e afatit të komisionit heti- mor më 5 shtator, kryetari i komisionit hetimor, Edi Paloka kërkoi në emër të Partisë Demokratike shtyrjen me 3 muaj të tjerë të veprim- tarisë së komisionit. Komisionit hetimor që u ngrit këtë vit për të kontrolluar përfshirjen e qeverisë nëpërmjet ish- ministrit të "Kërkojmë nga Kuvendi i Shqipërisë qëndrim të prerë ndaj aktit të pengimit të veprimtarisë së komisionit hetimor, duke marrë masat e duhura për të vënë përpara përgjegjësisë politike dhe ligjore ministrin e Brendshëm dhe drejtorin e përgjithshëm të Policisë së Shtetit.
Brendshëm, Saimir Tahiri dhe Policisë së Shtetit në kultivimin dhe trafikimin e lëndëve narkotike nuk ka dhënë asnjë rezultat.