Biba: Basha të kujtojë orët e gjata të 17- 18 majit vetëm për vetëm me Ramën
Audio- përgjimi/ nënkryetari i KQZ- së: Shumë zhurmë për asgjë
Nënkryetari i KQZ- së Denar Biba i përf shirë në një audiopërgjim megjyqtarin e Strasburgut Ledi Bianku, në një analizë të tij i ka thënë kreut të PD- së, Lulzim Basha se përpara se të shprehej për takimin e tij me z. Bianku, do të bënte mirë të kishte sjellë ndër mend orët e gjata të kaluara vetëm për vetëm me z. Rama në mesnatën e 1718 majit 2017, si edhe etiketimet e gjithfarëllojshme që i mveshën kësaj bisede keqdashësit e tij politikë". Në një postim në rrjetin social, "Facebook", nënkryetari i KQZsë, i akuzuar për shantazh ndaj Biankut për çështjen e pronave shprehet: "Shumë herë më e parëndësishme ishte biseda ime me z. Bianku, nëse merr parasysh faktin se, si unë dhe ai, nuk kishim asnjë kapacitet vendimmarrës në lidhje me shtyrjen e kërkuar". Ai thotë se biseda të tilla ka pasur e do të ketë, gjithmonë dhe se duke i "babalizuar" ato, opozita nuk bën gjë tjetër veçse, me naivitet, i jep një dimension negativ, krejtësisht të panevojshëm, një instrumenti që më së shumti është në favor të saj. "Qas- jet" mes shtetarëve dhe diletantizmi i politikës", e titullon nënkryetari i KQZ- së komentin e tij. Ndërsa ka treguar se nuk i ka bërë ndonjë përshtypje të madhe audio- përgjimi i publikuar në media, Biba shprehet: "Jam i vetëdij- shëm për etjen që ka opozita për skandale qeveritare, por sërish, nga pozita e atij që dinte të vërtetën, nuk arrija dot ta vendosja tekstin e publikuar në kornizën e një skandali". "Së pari, por jo nga rëndësia, dua të vërej për lexuesin "babalizimin që iu bë një bisede mes dy miqsh, ndonëse në një pjesë të saj u fol edhe për interesa shtetërore",- u shpreh Biba. "Mirë për mua nuk mendoi, por z. Basha kishte detyrim të mendonte për imazhin e gjyqtarit shqiptar në Strasburg dhe të parashikonte sesi do dilte ky imazh pas publikimittë një bisede krejt të parëndësishme për politikën",- tha ai më tej. "Shumë zhurmë për asgjë, vërtet, por që ekspozoi një diletantizëm të frikshëm nga një pjesë e politikës shqiptare",- i cilësoi Biba, audio- përgjimin dhe akuzat e opozitës.