Vranë kushëririn me plumb në kokë për pronën, lihen në burg babë e bir
Prokuroria: Kemi prova se 2 të pandehurit janë autorë të ekzekutimit të 43- vjeçarit Hetem dhe Dino Muho në gjyq: Nuk e qëlluam ne fqinjin, ndodheshim rastësisht në fshat
Gjykata e Shkallës së Parë e Gjirokastrës dje vendosi masën e sigurisë "Arrest me burg" ndaj 59- vjeçarit Hetem Muho dhe djalit 20- vjeçar të këtij të fundit, Dino Muho, të cilët akuzohen se për ekzekutimin me plumb në kokë të fqinjit dhe kushëririt të tyre, Alket Muho. Ngjarje kjo e ndodhur rreth orës 11: 35 në vendin e quajtur "Bolovec" në fshatin Rabie të Memaliajt. Gjatë seancës gjyqësore që u zhvillua me dyer të mbyllura pasditen e djeshme, babë e bir nuk e pranuan krimin, ndërsa deklaruan se nuk kishin lidhje me ngjarjen e rëndë ku mbeti i vrarë 43- vjeçari. "Ndodheshim rastësisht në fshatin Rabije. Ne ishim për vizitë në vendlindje. Pavarësisht konflikteve të mëparshme, me të kemi pasur raporte si me të gjithë banorët e tjerë të fshatit", kanë pohuar para togave të zeza dy të akuzuarit si autorë të vrasjes së Alket Muhos. Babë e bir ( banues në fshatin Çukë të Sarandës) teksa qëndronin pas kafazit të hekurt u shprehën se nuk e kishin vrarë ata 43- vjeçarin. Mësohet se Hetem dhe Dino Muho kanë dhënë dëshmi kontradiktore gjatë marrjes në pyetje. Ndërkaq, përfaqësuesi i akuzës ka deklaruar se kanë prova se Hetem dhe Di- ono Muho janë ekzekutorët e 43- vjeçarit. Një ndër provat e forta të prokurorisë mbetet mungesa e një çifteje që 59vjeçari Muho e kishte me leje, ndërsa kishte deklaruar se i ka humbur. Akti i ekspertimit ka konfirmuar se në trupin e viktimës ka plagë plumbi kallashnikovi dhe çifteje. Nga tërësia e veprimeve dyshohet se dy autorët e kanë kryer krimin për shkak të konflikteve të përsëritura me motive pronësie në fshatin e origjinës së autorëve. Në fund të seancës, trupi gjykues ka lënë në burg dy të pandehurit, të cilët akuzohen për: "Vrasje me dashje kryer në bashkëpunim", "Prodhim e mbajtje pa leje armëve luftarake e municionit" dhe "Prodhim e mbajtje pa leje armëve të gjuetisë dhe sportive".