Basha, akuza Markut: Shërbëtore e Ramës, po liron Shullazin
Kreu i PD reagon ashpër për ndëshkimin e 10 prokurorëve: Po mbyllet dosja "Tahiri" "Ligji antimafia, do konfiskohen asetet kriminale"
Kryetari i opozitës, Lulzim Basha i ftuar në konferencën ballkanike "30 vjet pas'. Çfarë e mban Ballkanin jashtë BE?" garantoi se realizimi i vetingut në politikë është zgjidhja e vetme që garanton ndarjen e krimit nga politika. Basha u shpreh i bindur se PD do të bëjë gjithçka që ta realizojë këtë nismë. Kreu i opozitës paralajmëroi se shumë shpejt PD do të prezantojë amendimin e ligjit antimafia, me anë të cilit do të konfiskohen asetet kriminale dhe do të hetohen të gjitha koncesionet. "Vetingu politik është zgjedhja që kemi propozuar dhe jemi të gatshëm ta realizojmë atë. Ndërkohë, do të prezantojmë projektligjin antimafia, me anë të cilit do të verifikohen të gjitha koncesionet dhe do të konfiskohen asetet kriminale", tha Basha. Nga konferenca ballkanike që organizoi Lidhja Demokrate e Gruas, bashkëpunimi me Forumin e Gruas së PPE që po zhvillohet në Tiranë, Lulzim Basha komentoi situatën e krijuar në organin e akuzës, ndërsa akuzoi Arta Markun se po lë pa prokuror çështjen "Tahiri" dhe "Shullazi", ndërsa theksoi se po përgatitet lirimi i këtij të fundit. "Lidhja e politikës me krimin është pengesa kryesore për integrimin e Shqipërisë në Bashkimin Europian. Provat e mbrëmshme janë tronditëse, prokurorja e kapur politike, shërbëtorja e Edi Ramës me një të rënë të lapsit ka lënë pa prokuror çështjen e Saimir Tahirit dhe çështjen e Emiljano Shullazit. Siç kemi paralajmëruar, roli i saj është të shkatërrojë hetimet kryesore të politikanëve të lidhur me krimin dhe të banditëve të lidhur me politikën. Prokuroria sot është në mbrojtje të Saimir Tahirit, Fatmir Xhafajt, Jurgis Çyrbjes. Është bërë gati lirimi i Shullazit, mikut të Tahirit dhe mikut të mikut të Ramës. Është liruar Ermal Hoxha, i dënuar në rastin e fabrikës së kokainës së Xibrakës për sjellje të mirë, sepse nuk nxori emrin e Olsi Ramës, vëllait të kryeministrit, si një nga personat e përfshirë në fabrikën e kokainës në Xibrakë", theksoi "Shërbëtorja e Ramës dje me një të rënë të lapsit la pa prokurorë çështjen e Tahirit dhe Shullazit. Sot prokuroria po mbron Saimir Tahirin, Xhafajn, po bëhet gati lirimi i Shullazit. U lirua Ermal Hoxha, sepse nuk nxori emrin e Olsi Ramës. Krimi ka marrë dhenë, sepse ka bekimin e Ramës dhe Xhafajat", deklaroi z. Basha.